ويجز: لست راضيا عن أعمالي بنسبة 100%
قال مغني الراب ويجز، إنه ليس راضيا بنسبة 100% عن أعماله ولكنه يسعى للوصول لذلك، موضحا أنه يحضر لألبوم غنائي جديد.
أضاف ويجز خلال لقائه ببرنامج “ET بالعربي“: “في العادي لما حد بيقولي الأغنية حلوة بنبسط، لأني اشتغلت عليها، ومفيش حد بيكون راضي عن شغله مهما كان، ولكن أقول راضي بنسبة 90% ولسة عندي 10% عايز أزودها في كل حاجة”.
أما عن أعماله الفنية المقبلة فقال إنه يحضر لألبوم جديد، مشيرا إلى أنه يحضر لأعمال فنية أخرى لن يصرح بها بشكل مباشر الآن.
أكمل: “بحس إني فخور بنفسي لما بلاقي حد تاني بيغني راب وإن المزيكا دي بقى لها شكل جديدة ناس جديدة بتطلع وبتعمل مزيكتها وشكلها ده بيخليني أرجع تاني بقى.
في سياق آخر كان قد حذر مغني الراب “ويجز” من النصب باسمه، مؤكدا على أنه يعلن عن حفلاته فقط عبر حسابه الرسمي.
كتب “ويجز” عبر حسابه الرسمي على موقع تبادل الصور والفيديوهات “إنستجرام”: “أي حفلات غير معلن عنها على صفحتي، هي محاولات نصب أو مجرد إشاعات وأكيد لو عندي حفلة ف أي مكان مش هخبي عليكم وهعلن عنها قبل شركة حمادة الكانتارا لتنظيم أعياد الميلاد والأسرة والحنة والمناسبات”.
أكمل: “وتعبت من كثر ما بعمل الإستوري دي فأنا بقول الناس متسرحش ورا أي صورة وخبر تحتيها أوفرلنا كلنا وأشوفكم في كل الحفلات اللي جاية ومتنسوش تيجوا بجزمة مريحة عشان تعرفوا تتنططوا”.