رمضان 2023.. مصطفى حسني يقدم برنامج "رميم"
طرحت قناة ON البرومو الدعائي لبرنامج “رميم” للداعية مصطفى حسني، المقرر عرضه خلال شهر رمضان 2023.
ظهر “حسني” خلال البرومو وهو يتحدث: “تركيبة البني آدم أن المواقف الكبيرة اللي بيعدي فيها مش بتسيبه زي الأول، إما بتبنيه وتكبره، أو بتهد فيه حتة وتكسره”.
نرشح لك: شاهد.. برومو مسلسل “جعفر العمدة” لـ محمد رمضان
تابع: “وضعفه وكسرته بيبانوا في مواقف معينة.. محتاج تعرف إيه اللي اتهد فيك واتكسر في رحلتك وتتحمل مسؤولية ترميمه وإعادة بناء نفسك وأنت مستعين بربك اللي قادر أنه يحيي العظام وهي رميم”.
في سياق آخر، رد الداعية مصطفى حسني، على سؤال أحد المتابعين يقول فيه: “الشغل باخد عليه حسنات”.
قال “حسني” خلال مقطع فيديو نشره عبر حسابه الرسمي على موقع الصور والفيديوهات “إنستجرام”: “الشغل ده هو الآخرة، اتقل حسناتك في اليوم في شغلك، ده إحنا اتضحك علينا لما تم ترويج مفهوم أن الشغل بياخد من ربنا وبيخليك من طلاب الدنيا الطلب الحلال ده ذكر في القرآن قبل الجهاد في سبيل الله، قال تعالى (عَلِمَ أَن سَيَكُونُ مِنكُم مَّرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ ۖ فَاقْرَءُوا مَا تَيَسَّرَ مِنْهُ)”.
أشار : “لما ربنا نزل آيه قيام الليل قال أنا عارف إن في ناس منكم ممكن تكون بتشتغل وبتتعب وناس بتحارب فاقرأ اللي تقدر عليه مش لازم تصلي طول الليل، فذكر الشغل الأول فكانت أمنية سيدنا عمر يموت في الشغل وهو في السوق، ده العشر ساعات اللي بنشتغلهم أكنك في الصلاة وده مش كلام عشان أشجع الناس على الشغل، ده قرآن ربنا”.
أردف: “ومن غير ما تاخد نية لما تبقى نازل عشان رزق ربنا وتكفي نفسك وبيتك ومتمدش إيدك أنت في صلاة مع ربنا، إن من الذنوب ما لا يكفره الصلاة والصيام، لا يكفره إلا الهم في طلب المعيشة وده حديث الرسول صلى الله عليه وسلم”.