رمضان عبد المعز: المدافع عن الحق بالسباب نيته سيئة

تحدث الشيخ رمضان عبد المعز، عن من يدعو إلى الإسلام بطريقة فظة غليظة، ويدافع عن الحق بالسباب والشتائم، لافتا إلى أن الحق لا يحتاج إلى ذلك.

قال “عبد المعز” خلال برنامج “لعلهم يفقهون” على شاشة “dmc“، إن النبي لم يكن فظا غليظ القلب أثناء دعوته، موضحا أن خشونة المعاملة والدعوة للإسلام بصوت عالي دليل على أن نيته سيئة.

نرشح لك: رمضان عبد المعز يحذر من اليأس: اوعوا تفقدوا الأمل في الله

أردف: “أي حد بيتكلم عن الحق، ولابس ثوب الحق كأنه بيدافع عن الدين ووجدته سبابا فإعلم أن نيته معلولة، لأن الحق لا يحتاج إلى ذلك”.

كما استشهد بمعاملة النبي “ص” للكفار أثناء دعوته لهم، حيث كان يدعوهم بطريقة مهذبة، مردفا: “قالهم يا قوم مقلهمش يا كفرة يا مشركين، النبي بيعلمنا أدب اللي بيتخيلوا نفسهم دعاة إلى الله”.

في سياق آخر حذر الشيخ رمضان عبد المعز من الدعاء على الآخرين بالسوء، موجها نصيحته بالدعاء لهم بالهداية أفضل.

قال “عبد المعز” في برنامج “لعلهم يفقهون” على شاشة dmc: “فيه ناس بتدعي على أهاليها! ناس بتقف قدام الكعبة ويقول كشفت راسي إلهي يجيله ويحط عليه إلهي ما يوعى، معرفش بيعملوها إزاي”.

تابع: “ليه يا حاج كده؟ بيدعي على جاره علشان في يوم من الأيام رفع صوت الكاسيت، هو غلطان بس هو الرد على المخطيء، إن إحنا ندعي ربنا يخرب بيته؟ يعني النبي كان بيدعي للمشركين وإحنا مش قادرين ندعي للمسلمين؟”.

استكمل: “بتلاقي حد بيدعي على الناس، ليه كده يا أخي؟ ادعيلهم ربنا يهديهم، إلى كل أم، والنبي يا حاجة ما تدعي على ولادك، ادعيلهم بالهداية، أنا عارف أن العيال دلوقتي تتفاتلها بلاد، ومزعجة وبتعمل مشاكل، الصبيان بالذات، معلش ادعيلهم دعوة منك كده في انصاص الليالي بالهداية”.

أضاف: “سيلفتك اللي مضايقاكي وعمالة تدبر وتكيد ادعيلها ربنا يهديها بدل ما هي ضدك هتبقى انتيمتك وصاحبتك، إحنا ليه مابندعيش لبعض؟ لو واحد منشف ريقي طيب ما ادعيله بالهداية هيبقى مكسب ليا”.