عبد الباسط حمودة يكشف سبب تسميته بـ "الحكمدار"

كشف الفنان عبد الباسط حمودة، عن سبب تسميته بالحكمدار، موضحا أن الجمهور هو من أطلق عليه هذا الاسم، كما أطلقوا عليه أيضا اسم فريد شوقي الأغنية الشعبية.

قال “حمودة” خلال لقائه في برنامج “كلمة أخيرة” مع الإعلامية لميس الحديدي، المذاع عبر شاشة “ON”: “الجمهور اللي سماني الحكمدار، وسموني فريد شوقي الأغنية الشعبية لأن أول واحد علمت الناس الزعيق في الغنا، بس الزعيق المظبوط، الزعيق ليه ناسه، مش نحزق زي بتوع الأيام دي”.

نرشح لك: محمد رمضان عن لقاء منى الشاذلي: حلمت إني أقعد قدام أهم إعلامية في مصر

أشار: “أبويا قالي متقلدش حد، أحمد عدوية خد سكة وأنا خدت سكة، عدوية شعبي وأنا شعبي بس اللي يفرق الغنا الجميل، هو أسطورة من أساطير الزمن.. وعبد المطلب أثر فيا لأني كنت برد وراه.. وإحنا كنا عيلة فنية وأبويا اللي علمني”.

أوضح: “زمان كنت أقعد 3 شهور أعمل في الأغنية، دلوقتي اتصل بالمؤلف يقول 5 دقايق تبقى عندك، خلاص كله بقى يكتب.. جيلنا الجيل العظيم، كل المطربين دلوقتي بيجوا يبوسوني ويحضونوني ويبوسوا إيدي، إيه يا أبويا عامل إيه، احترام فوق ما تتخيلي”.

أردف: “الأغنية الشعبية فارضة نفسها من زمان، أي بتاع مهرجانات دلوقتي عايز يبقى نجم يقولي تعالى يا نجم أعمل معايا أغنية، لأن المهرجانات خلاص خلصت، لما عمر كمال جه يعمل أغنية معايا قولت له تمشي على ذوقي، زي ما أنا عايز.. لكن الدب والرزع مبحبوش”.

أما عن رأيه في المطرب عمر كمال، قال: “عمر كمال بيغني أغاني عاطفية ورومانسي بس هو ميال للشعبي، أول ما سمعته قولت له ربنا هيكرمك وهتبقي حاجة جميلة.. وفي مهرجانات تلاقيها سلسة وحلوة، وكلام يتسمع، وفي مهرجانات متتسمعش، أهم حاجة إنك تحافظ على الكلمة”.