عمرو أديب: احتمال يكون فيه بيع بعض الأصول

قال الإعلامي عمرو أديب، إن الحكومة أصدرت كتاب عن خروج الدولة من عدد من الأنشطة، موضحا أن بنتين من بنات محمد فريد خميس قاموا ببيع الجزء الخاص بهم في شركة “النساجون الشرقيون”، رغم أن الشركة ناجحة وتحقق أرباحا هائلة.

أضاف “أديب” خلال حلقة اليوم من برنامج “الحكاية” المذاع عبر شاشة “mbc مصر”: “الناس هتقولك هو عمرو بيمهد، أنا مابمهدش، الدولة بتتخارج من عدد من الأنشطة، وإحنا طالبين ده، دور الدولة منظم الدولة، الدولة مش لازم تعمل فول وطعمية، الدولة مش لازم يبقى عندها سمك مقلي، في حاجات الدولة مش لازم تعملها”.

نرشح لك: تفاصيل خطة الحكومة للتعامل مع ارتفاع الأسعار خلال شهر رمضان


أشار: “الدولة تنظم صيد السمك، وبيع البقوليات، كل ده مهم.. حركة البيع والشراء موجودة، النساجون الشرقيون مثلا حصل فيها بيع وشراء النهاردة، بيحصل هذا الأمر، إحنا عندنا 3 محددات فائدة، وسعر صرف، وتخارج الدولة واحتمال يكون فيه بيع بعض الأصول، ده وارد وبيحصل في كل حتة في العالم”.

أردف: “إنك بتيجي في ظرف زي ده تقول أنا عايز أخصص الفلوس اللي باخدها دي أو بصرفها على النشاط الاقتصادي ده أحطه في الصحة أو التعليم أو رعاية تكافل وكرامة”.

عمرو أديب

MBC مصر الحكاية رئيسية عمرو أديب نيوز ليتر