حنيتها عليا بالدنيا.. رضوى الشربيني تحتفل بعيد ميلاد ابنتها الصغرى
احتفلت الإعلامية رضوى الشربيني، بعيد ميلاد ابنتها تمارا، لافتة إلى أنها تغيرت عندما ولدت ابنتها وأصبحت أقوى من قبل.
كتبت “الشربيني” عبر حسابها الرسمي على الصور والفيديوهات “إنستجرام”: “أشقى واحدة في العالم بس حنيتها عليا بالدنيا كلها، اليوم اللي اتولدتي فيه أنا اتغيرت فيه، وجودك كمل اللي ناقص فيا وخلاني إنسان أقوى.. كل سنة وأنتي حلوة و شقية ولذيذة وحنينة زي ما أنتي يا وش السعد عليا.. بحبك يا تمارا Happiest birthday يا آخر العنقود”.
View this post on Instagram
نرشح لك: رضوى الشربيني: الوجع ساعات بيبقى مفيد
في سياق آخر، علقت الإعلامية رضوى الشربيني على خبر طلاق الفنانة غادة عبد الرازق، وتصدره التريند على مواقع التواصل الاجتماعي في الأيام الأخيرة.
تابعت “الشربيني” خلال برنامج “هي وبس” المذاع عبر شاشة “cbc سفرة”: “الناس مسابتش حاجة إلا وقالتها على الست دي في اليومين اللي فاتوا، بيقولوا اتطلقت للمرة 12 لكن هي قالتلي إن الرقم الحقيقي هو 9 مرات، هتقولولي 9 من 12 مفرقتش.. أه مفرقتش، إنشالله تتجوز 20 مرة، حلال ربنا ولا مش حلال ربنا؟”.
أضافت: “حضرتك عارف الست دي عانت أد إيه ولا شافت إيه في حياتها؟ وبعدين هي حرة، أنت بتمد إيدك في جيبك وتصرف عليها؟ هي كانت هتتجوزك مثلا ومعرفتش؟ محروق أوي ليه؟”.
أردفت: “أه غادة عبد الرازق كانت بتختار غلط عشان كل مرحلة كان بيبقى عندها احتياج معين لشيء ما فكانت بتشوفه في الشخص ده وبتاخده، إيه بقى الغلط اللي عملته إنها اتجوزت 9 مرات واتطلقت؟”.