عمرو أديب: المغرب لم تقف بجانب محمد صلاح
علق الإعلامي عمرو أديب على الانتقادات التي وجهت لمحمد صلاح، لاعب منتخب مصر ونادي ليفربول، بسبب عدم تهنئته لمنتخب المغرب، موضحا أنه يرى أن السبب خلف ذلك هو عدم وقوفهم بجانبه في عدد من الأزمات.
تابع “أديب” خلال برنامج “الحكاية” المذاع عبر شاشة “mbc مصر”، أن ذلك هو استنتاجه الشخصي وليس معلومة مؤكدة، معلقا: “ناس كتير بتلوم على ابننا محمد صلاح إنه لم يهنئ المغرب، أنا معنديش معلومة لكن يبدو إن صلاح يشعر إن المغرب ماوقفتش جنبه قبل كده في تصويتات ومشاكل كثيرة.. ده تفسيري”.
نرشح لك: الأهلي يقرر تغريم أفشة بسبب ضربة الجزاء
عمرو اديب: ناس كتير بتلوم صلاح انه لم يهنئ المغرب.. صلاح يبدو او قد يشعر ان المغرب ماوقفش جنبه قبل كده
تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/I5SzTsTDZe
— الحكاية (@Elhekayashow) December 16, 2022
في سياق منفصل، علق الإعلامي عمرو أديب على خروج البرازيل من دور ربع النهائي من بطولة كأس العالم 2022، بعد الهزيمة من كرواتيا بركلات الترجيح.
قال “أديب” خلال برنامج “الحكاية” المذاع على شاشة mbc مصر: “هو إحنا هنفضل 20 سنة البرازيل دي بتخسر، 20 سنة، دول أكتر من الزمالك، 20 سنة.. وكل سنة الله شوف اللعب شوف رونالدينهو إيه الجمال ده، وخرجوا.. الماتش اللي فات نرقص سامبا ورومبا وخرجوا، 20 سنة يا باشا وخرجوا”.
تابع: “إيه اللي اتعمل فينا ده النهاردة؟ لماذا؟ كرواتيا النهاردة مش هتاخد كاس العالم، هي أهدت كاس العالم لفرق تانية، كل الفرق كان رعبها تقابل البرازيل.. ونفس الغلطة بتاعتنا، مقعد نيمار ليه يشوط آخر ضربة جزاء ما كان شاط اللي جت في العارضة دي”.