أحمد سعد يكشف تفاصيل تلحينه أغنية "طب ليه" لـ راغب علامة

قال الفنان أحمد سعد، إن أي أغنية ناجحة كل عناصرها تكون مهمة، وإذا تغير أحد هذه العناصر لن تحقق النجاح ذاته، موضحا أن أغنية “طب ليه” التي قام بتلحينها للفنان راغب علامة نجحت لأن “علامة” هو من غناها بصوته.

أضاف “سعد” خلال حواره في برنامج” صاحبة السعادة” المذاع عبر شاشة “dmc” وتقدمه الفنانة إسعاد يونس، أنه كان يسمع جميع أنواع الموسيقى منذ صغره، موضحا: “صحابي في معهد الموسيقى كانوا بيخلوني أعمل شخصيات، فجابوني في ألبوم راغب علامة في أغنية اسمها (سيد الغاليين) أعمل شخصية جزائري بصوتي”.

نرشح لك: أحمد سعد: اللي حصل في نقابة الموسيقيين لا يليق بـ هاني شاكر

أشار: “لما رحت قلت لهم الألبوم ناقصه أغنية هيت، فهما عايزين يعرفوا العيل الصغير اللي بيقول كده لراغب علامة، وهو اندهش أوي، قلت له ناقصه أغنية هيت، قال يعني أنت بتلحن؟، قلت له لا أنا مبلحنش بس لو حبيت، ألحن في 24 ساعة، قالي أنت ممكن تعمل لي أغنية؟، قلت له بكرة الصبح هتلاقي الأغنية اللي هتبقى الهيت بتاع الألبوم”.

أردف: “أنا كنت عايز أمشي معاه في الشارع بس مش أعمله اللحن، راح قال لي ماشي ليك مني هدية وقال لي مبلغ كده وأدهولي، أنا قعدت ألحن من بليل لحد الصبح، وعملتها أنا ومدحت خميس وقولنا له إحنا معانا الـ CD ممكن نسمعك، أنا مكنتش متوقع أنه يعجبه بالشكل ده، والأغنية نزلت وكسرت الدنيا، اكتشفت بقى إني سارق نصها، بس والله ما خدت بالي، اكتشفت أن اللحن كان شبه أغنية (ما بحبش حد إلا أنت) لأصالة”.