شاشة

محمد نور يعتذر لنقابة الموسيقيين بالنيابة عن حمو بيكا

سالي فراج

اعتذر الفنان محمد نور، لنقابة المهن الموسيقية بالنيابة عن حمو بيكا، لافتا إلى أنه سيذهب للنقابة مع حمو بيكا للاعتذار لهم بعيدا عن النيابة.

نشر “نور” فيديو له على حسابه الرسمي على موقع تبادل الصور والفيديوهات “إنستجرام”، معلقا: “لكل أعضاء نقابة المهن الموسيقية، إخوتنا الكبار اللي طول عمرهم معانا في كل كبيرة وصغيرة بعتذرلكم بالنيابة عن حمو بيكا هو أكيد مكنش يقصد، الإنسان وقت الغضب مش بيعرف يقول إيه”.

نرشح لك: كلمات أغنية “شوفتوا القمر” لـ مصطفى قمر ومحمد نور

أشار إلى أنه يتمنى أن يعود للعمل مرة أخرى فقط، مضيفا: “هو بس عاوز يشتغل ودي كلمة أثرت فيا طبعا ولكن ده ميديلوش أي حق أنه يغلط في أي حد من أساتذتنا الكبار هو هيعتذر، وعشان خاطري أنا تقبلوا اعتذاره”.

أكد على أنه سيذهب للنقابة معه للإعتذار عما بدر منه في حق النقابة: “وأنا هجيبه، وأجيلكم ونخلص الموضوع، وتشغل إن شاء الله”.

كما وجه رسالة لحمو بيكا متمنيا أن يرى كلامه قائلا: “أتمنى تقرأ الكلام ده وتعتذر وهما مفيش أطيب منهم والموضوع يخلص، أنا بس تدخلت عشان عارف إنك طيب وفي حالك وعندك جمهور بيحبك وهما محترمين فوق الوصف أهل وعيلة حقيقي مش نقابة وعفى الله عما سلف، شكرا وأتمنى من الجميع محدش يغلظ أو كده في الكومنتات أنا فقط مقدرتش أسمع حد بيقول نفسي أشتغل وأنا محاولش أساعد شكرا للجميع طولت عليكو شكرا لأستاذ أحمد رمضان، والمايسترو الأستاذ حمادة أبو اليزيد، وأنا متأكد إنكم تعاونوا معايا وده مش جديد عليكوا”.

 

View this post on Instagram

 

A post shared by Mohamed Nour (@mohamednourofficial)

كما رد حمو بيكا، مؤدي المهرجانات على فيديو “نور” خلال خاصية القصص القصيرة عبر حسابه الرسمي على موقع تبادل الصور والفيديوهات “إنستجرام” كاتبا: “اللي إنت شايفه يا نجم، أنا معاك، والمسامح كريم، كل اللي أنا طالبه إني عاوز أكل عيش زي كل الناس”.

أنت تستخدم إضافة Adblock

برجاء دعمنا عن طريق تعطيل إضافة Adblock