بسبب سعد لمجرد.. خالد سرحان يرد على هجوم الشباب المغربي عليه
كشف الفنان خالد سرحان عن تعرضه لهجوم كبير من شباب مغاربة، بسبب حذفه لمنشور عن أغنية الفنان سعد لمجرد، وذلك بسبب اتهام الأخير بالاعتداء على سيدة.
قال “سرحان” عبر منشور له على موقع التواصل الاجتماعي “فيس بوك”: “من بعد ما مسحت البوست بتاع أغنية سعد لمجرد وأنا بواجه هجوم مش طبيعي من مجموعة كبيرة جدا من الشباب المغربي”.
نرشح لك: بسبب سعد لمجرد.. خالد سرحان يعتذر للجمهور
أضاف: “الحقيقة أنا مش لاقي أي تفسير لده، أنا مهاجمتش رمز وطني مغربي ولا حتى هاجمت أي شخص أنا خدت موقف إنساني طبيعي غير متعلق ولا بشخص ولا ببلد وأي حد مكاني لازم ياخد الموقف ده وإلا مش هيكون انسان سوي”.
أردف: “أنا حتى لم أثبت اتهامات، انا قولت ان الموضوع طالما فيه احتمال حتى لو ١٪ يكون مُدان بالتهم دي فعلا فا أنا عن نفسي لازم أتجنب الشخص ده لحد ما اتأكد إنه برئ وبس”.
تابع: “أنا زُرت المغرب كتير والشعب المغربي من اقرب الشعوب لقلبي كا كرم وطيبة وذوق في التعامل، عشان كدا انا مش زعلان منهم واتمنى مايفهمونيش غلط، المغرب مش شخص. ومصر مش شخص، احنا بلاد كبيرة مينفعش نختزلها في فرد ممكن يخطئ أو يصيب”.
كان الفنان خالد سرحان نشر “بوست” يسخر فيه من أغنية “من أول دقيقة” لإليسا وسعد لمجرد، وهو لم يكن يعلم أن الذي يغنيها سعد، وعند معرفته بذلك حذفها، وبرر ذلك قائلًا: “في أغنية أنا اتريقت عليها في فيديو عندي على الصفحة امبارح.. الأغنية دي كانت تريند على تيك توك وأنا بكل أمانة مش مميز غير صوت إليسا في الأغنية ومعرفش مين اللي بيغني معاها.. فصديق ليا كلمني وبالصدفة بيقولي شفت الفيديو بتاعك على أغنية سعد لمجرد قفلت معاه ومسحت البوست في ساعتها”.
تابع: “انا الشخص ده مكنتش أعرفه أصلا غير لما مرة من كام سنة وقفني أتصور معايا في فرنسا وبعدها أصدقائي قالوا لي إن ده مغني واسمه سعد لمجرد، عشان كدا حابب أعتذر لمتابعيني وجمهوري إني ساهمت في إبراز شخص متهم بالاغتصاب في أكتر من دولة وببنات كتير.. أنا مش بهاجم ولا حتى بتهم بس على الأقل مش هتسامح مع شخص متهم باتهامات لا تغفر زي دي ولسة لم تثبت براءته لحد دلوقتي.. بعتذرلكم تاني”.