كلمات أغنية "نصين الفولة" لـ دنيا سمير غانم
طرحت النجمة دنيا سمير غانم أحدث أعمالها الغنائية المميزة بعنوان "نصين الفولة"، والتي تعد واحدة من أبرز أغنيات ألبومها الجديد "الدلال".
الأغنية من كلمات الشاعر محمد حسام، بينما تولى الألحان والتوزيع الموسيقي الفنان أحمد طارق يحيى، وميكس ومستر خالد سند.
لتخرج الأغنية في قالب فني متكامل يجمع بين صدق الكلمات وعذوبة الموسيقى.
جاءت كلمات أغنية نصين الفولة كالتالي:
إزاي نصين الفولة إتقابلوا بعد سنين
إزاي مكانوش فاكرين
وإزاي فرطوا النصين؟
معقول بعد ما يتقاسموا
توصل بيهم يتقسموا
عن بعض ياعيني تايهين
ماهو لما الفولة إتقسمت ..
تاه نص و ساب التاني
يسرح في الكون وحداني
و غريب عن نصه التاني
روح و إتقسمت نصين
دارت دنيتهم لفت
و الصدفة دي تجمع تاني
الساعة تعد ثواني
فا يعدوا هم سنين
و القصة بقت مقفولة
إزاي نصين الفولة إتقابلوا بعد سنين
حاولوا يلاقوا شبه اللي ضاع منهم مش لاقيين
لفوا زي ما لفوا و على غير بعض مش لايقين
حاولوا و مش حاسين جربوا مش عارفين
ما اللي لاقوه و شافوه من بعض
ده لأ مش في التانيين
دارت دنيتهم لفت
و الصدفة دي تجمع تاني
الساعة تعد ثواني
فا يعدوا هم سنين
و القصة بقت مقفولة
إزاي نصين الفولة اتقابلوا بعد سنين