سمية الخشاب تشرح مواد علمية لـ الطلاب على "تويتر"

سالي فراج

سألت الفنانة سمية الخشاب متابعينها الطلاب في الثانوية العامة، والجامعات عن أسئلة المناهج التي تكون صعبة عليهم، وشرحت لهم الأجزاء التي استصعبوها.

ورد عليها البعض بأسماء بعض المواد العلمية، لتهم بمساعدتهم حيث كتبت “الخشاب” خلال حسابها الرسمي على موقع “تويتر”: ‏”حلوا مسائل أكوافلنت سيركت دي وإتدربوا إزاي ترسموا phasor دياجرام، وذاكروا open circuit و short circuit بس غالبا بيجي أوبن سيركت، وحلوا مسألة بإيديكم علي maximum efficiency و Voltage regulation، و Auto transforme و 3phase وبس هي شكة دبوس”، في محاولة منها لأن تسهل عليهم المواد”.

نرشح لك: الخطيب: لهذا السبب كان اختيار ملعب نهائي دوري أبطال إفريقيا غير عادل

كما شرحت لطالبة كيفية تذكر اختصارات مادة الكيمياء وذلك من خلال ربطهم بأسماء مشاهير ودول عالمية: ‏”لما تشوفي أمينو إسيدز في الإمتحان هتعرفي حاجتين، أولا كلهم أخرهم ine إلا 3 أحماض بس، فلما تشوفي الأمينو إفتكري “حنين”، عشان كلهم آخرهم “ين” في الآخر، في 3 بيبدأوا G، يبق 3Gو تحفظيهم سهلين، وفي حمض اسمه سيرين أفتكري سيرين عبد النور، وفي أرجنين إفتكري الأرجنتين وفي 3T وسهلين”.

 

 

أضافت من خلال ردها على متابعة أُخرى: “‏في مضادات للذهان، في مضادات تقليدية وغير تقليدية، في الصفحة دي عندك الغير تقليدية (atypical) وأدويتها الأولانزابين والكوتابين والريسبريدون يعني 2 بين وواحد دون، الكلوزابين بقي بيعالج الناس المفصومة وأكيد كلنا عندنا ناس مفصومين كتير فحياتنا فأربطي مثال بقي بواحدة مفصومو تعرفيها”.

 

ومن المعروف على الفنان سمية الخشاب أنها تفعل ذلك مع متابعيها وخاصة في أيام الإمتحانات، وتوجه لهم النصائح والإرشادات، حيث كانت قد وجهت عدة رسائل تشجيعية للطلاب بمناسبة حلول موسم الامتحانات.

رسالتها لطلاب الثانوية العامة
حبايبي اللي في ثانوية عامة.. محدش يجي على نفسه خالص، صحتكم بالدنيا ومش نهاية العالم ومتخلوش أي حد يأثر بالسلب عليكم، وتقدروا تثبتوا نفسكوا فأي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقى في القمة.. اعملوا بس اللي عليكم وبلاش مقارنات خالص، كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها وبالتالي نعيش تعبانين باقي حياتنا.

رسالتها لطلاب هندسة
لحبايبي اللي في هندسة.. أنا مش ملمة بهندسة أوي، بس ذاكروا ماشيينز كويس عشان عارفة إنها أصعب من كلمة “بشمهندس”.

رسالتها لطلاب صيدلة
حبايبي بتوع صيدلة.. احفظوا الكلام بحاجات مشابهة يعني مثلا تحليل ELISA ده افتكروا ملكة الإحساس، والـ CBC مثلا ممكن سفره وممكن العادية، والـ DHEA افتكروا سكينة وهي بتقول روح جاتك داهية.

رسالتها لطلاب حقوق
حبايبي اللي في حقوق.. القانون المدني والقانون الدولي دول احفظوهم كويس عشان بيلخبطوا، تاريخ القانون المصري مش صعب أوي، هو وسكاشن مدني هتعرفوا تسلكوا فيهم وبدعي لكم.. بحبكم أوي إنتوا المستقبل وواثقة فيكم لأنكم جيل واعي وفخورة بيكم في كل الحالات وهفرح لكم أيا كان النتيجة ايه، شدوا حيلكم.

رسالتها لكل الطلاب
أنا لو مسكت التعليم هلغي لكم الفاينلز دي، وهخلي النجاح كله بأعمال السنة عشان عايزاكم فريش كده.

atypical maximum efficiency Voltage regulation الفنانة سمية الخشاب تويتر رئيسية