بشرى: عايزة محمد رمضان يغني للناس الحلوة اللي في الوسط
محمد هيثم
نفت الفنانة بشرى، وجود خلاف بينها وبين الفنان محمد رمضان، موضحة أن إعلانها عن أغنية “كورة كفر” للرد على أغنية “رمضان” الأخيرة “بلالين” كان “إيفيه”، لافتة إلى أنها غير مهتمة الآن بالأغاني الحماسية التي يوجد بها شد وجذب.
أضافت “بشرى” خلال حوارها مع “ET بالعربي”: “مفيش أزمات وبيني وبين محمد رمضان هو عالم الراب كده كله شد وجذب أما الصداقة في الحياة موجودة، وأنا أعلنت قريب أنه كان هيشهد على عقد جوازي لولا أن كان عنده حفلة برا مصر”.
نرشح لك: معلومات عن “إنفلونزا الطماطم” التي تصيب الأطفال
أوضحت: “أنا بقول له خف علينا لأنه دايما طالع يقول يا منفوخين ويا بلالين وأنا الملك، يعني يطلع يدلعنا شوية أنا عايزة محمد رمضان يطلع يغني للحياة والحب وللناس الحلوة اللي في الوسط وينسى الناس الوحشة”.
وبسؤلها إذا كان مهرجان الجونة قد عطلها عن حياتها الفنية، قالت “بشرى”: “عالم المهرجانات عموما بيعطل، لأن أنت على سفر طول الوقت وفي مهرجانات دولة، فبيبقى صعب أنك تفضل ثابت مدة طويلة والفن عايز نوع من الاستقرار والمتابعة، بس أنا الحمد خدت إجازة من المهرجانات عشان أركز في التمثيل والإنتاج”.
أردفت: “الغناء لما تيجي حاجة حلوة أنا مش دايما بلاقي حاجة تقنع دماغي.. السوق ظلم الناس كلها ظلم كل المطربين وأنا واحدة منهم فبالتالي وقع عليا نفس الظلم، لكن أنا عندي مهرب أني بعمل حاجات تانية”.
View this post on Instagram