تعرضت لها مؤخرا.. سالي عبد السلام تكشف تطورات واقعة التحرش
كشفت الإعلامية سالي عبد السلام، عن تطورات واقعة التحرش التي تعرضت لها مؤخرا.
نشرت “عبد السلام” عبر حسابها الشخصي على موقع “إنستجرام” صورة لها من أمام محكمة القاهرة الجديدة الابتدائية، وعلقت كاتبة: “هى دي بلد، هما دول ناسها اللي ساعدوني وبناتها اللي معرفهمش بعتولي قالولي هو مين؟ انتوا رزق، ده رزقي يا ربي! اللهم بارك، انا بقالي يومين مش عارفة أنام، أقسم بالله وقتها كنت راجعة من عند الدكتور لـ ١١ بليل ما أكلت زعلانة الحمد لله رضا وتعبانة ولسة بتعالج الحمد لله ووقفت مع صاحبتي أجيب أكل ومستنية القهوة”.
نرشح لك: أحمد كمال يكشف سبب قلة أعماله الفنية
تابعت: “النهاردة بعد يومين من الواقعة ونشر الفيديو أنا في محكمة القاهرة الجديدة، ومن غير محامي ولا حد معايا، في ساعات من المحضر في قسم التجمع الخامس الشرطة المصرية الله يحميهم جابوه! والصبح كنت في النيابة وكلي ثقة في قضائنا اللي فوق الكل!”.
أضافت: “ربي يعلم والله اديته مهلة ٢٤ ساعة لما خلى صحابه يكلموني عن طريق صحاب مشتركين للأسف عشان أشيل الفيديو ويحاولوا يساومونى وحاجة آخر قلة أدب وبعدها يهددوني ومتعرفيش ده مين وفلوس وعلاقات وانا ربنا يعلم مسكت نفسي بالعافية وقتها ومطلبتش غير اعتذار ليا ولكل بنت أذاها من غير أساميهم و ساعدتني لوجه الله وهو رفض”.
في نفس السياق، كتبت: “لو حد فاكر إنه عشان مذيعة ده حصل! أصلها مشهورة، فأنا خسرانة كتير ربنا يعلم وعزيزة على أي بنت أو ست تقول حصل معاها كدة، شغلانتنا كأي شغلانة لو عملت حاجة متنفعش تتعمل ممكن تقعد في بيتكم وفي مننا في البيت واحنا بالذات مفيهاش رجوع أو تصلحها (الهوا ملوش دوا) ومش هنعرف وصعب نشتغل تاني بس شغلي كان حلمي واختيار مني وعارفة عواقبه للأسف وراضية يا رب اللهم استرنا، انا اول ناس بعتتلي يطمنوا عليا كانوا مديريني أقسم بالله فخورة إني أنتمي للمتحدة! انتوا على راسي ورزقي، الخير دايرة رجعالك رجعالك.. هتحصد اللي زرعته”.
أضافت: “وانت يا متحرش ماذا بينك وبين الله عشان كل البنات دي تساعدني أجيبك! انتوا ساعدتوني الله يسعدكم.. الله يعوضكم وأساميكم مش هتطلع وده وعد بيننا ليوم الدين، اذيت كل البنات دى ليه؟ منهم اللي سابت شغلها في الشركة اللي بتشتغل فيها معاك بسببك، ومنهم اللي صورتها واذيتها وطلعت عليهم كلام، زي ما كنت ناوي تصورني انا وصورتك في الفيديو من غير حتى ما أقل واجب أرد اعتباري بعد ما شتمتني بأمي بعد المعاكسة وقلة القيمة
ليه؟! سمعتك المحلة الكبرى كلها عارفاها ووحشة، البنات بيترجوني أجيب حقهم!! ومش هنسيب حقنا! وهنمشى بأمان غصب عنك! حتى العربية مش عارفة اقعد فيها فى امان فى مكان عام!؟ حرام عليك.. هتترد”.
View this post on Instagram
كانت سالي عبد السلام، قد كشفت مؤخرا عن تعرضها للتحرش من قبل شخص ما أثناء تواجدها في سيارتها هي وصديقتها، ووثقت ذلك بمقطع فيديو، نشرته عبر حسابها الرسمي على موقع تبادل الصور والفيديوهات “إنستجرام” وعلقت: “وأنا قاعدة من شوية في العربية ومنزلتش حتى بشرب كوفي أنا وريم صاحبتي في البنزينة اللي جمب بيتي جه يستظرف “معاكى شاحن؟؟” رديت بكل أدب لا، وداخل بدماغه يشوف، بعدها أنتي متضايقة ليه، قولت له حاجة متخصكش واتفضل أمشي”.
أضافت: لااا متكلمنيش كدة! قولت له اتفضل من هنا! ولسه هيقل أدبه ويستظرف تاني صورته فيديو، لما الناس اتلمت بيقول لهم كنت بطلب شاحن، الرجالة بقيت بتقول له هو معلش”.
أوضحت: “السؤال هل هو العادى أن أي حد ممكن يكلم بنات ويستظرف ويدخل جوا العربية وعايزنا نسكت، ليه؟ إحنا حصلنا إيه؟ أنا هعرف أجيب حقى إن شاء الله.. السؤال بقى هو مين ده؟ وهل ده عادي؟ في بنات هتقبل ده عادي؟ مجتمعنا شايف أنه عادي؟ ولما أقول له أمشي ميمشيش”.