خبر

أحمد حلمي عن “واحد تاني”: أعلى أفلامي في الإيرادات

قال الفنان أحمد حلمي، إنه سعيد بنجاح فيلم “واحد تاني” وتصدره إيرادات موسم عيد الفطر.

تابع “حلمي” خلال لقائه مع “ET بالعربي“: “أنا بحب شخصية إكس في الفيلم لأنه تمرد على نفسي أنا شخصيا، أنا جوايا إكس بس اللي بيظهر للناس هو مصطفى، وأنا بحب أقدم مواضيع للناس تقدر إلى حد ما تلمسهم.. وكمان العنوان الرئيسي بتاعها كان بيعبر عني في وقت ما”.

نرشح لك: “واحد تاني”.. كيف نجا أحمد حلمي أخيرا؟

 

أضاف: “جالي فترة كده حسيت إني فقدت الشغف، وإن الوقت بيسحبني واليوم بيجري ومش بحس بالحكاية دي، بس بعد شوية كأن نزل عليا جردل ماية ساقعة وسألت نفسي هو عدى أد إيه؟ وفيه حاجات حوليا خلتني أحس بده، لأن كان فيه أفلام بتنزل وحاجات حلوة بتتعمل خلتني أفوق تاني”.

وعن نجاح الفيلم وتصدره إيرادات موسم عيد الفطر، علق “حلمي”: “الحمد لله الإيراد جه كبير ولم يسبق ليا إيراد شبه ده، وربنا دايما بيكرمني إنه في كل فيلم الإيراد بيكون مختلف عن اللي فات لأن المؤشر اللي بيقول إن العمل جيد هو استمرار الإيراد”.

استطرد: “المؤشر اللي بيقولي أنا بقا إن العمل جيد هو الشارع، لأن ممكن فيلم جيد ميعملش فلوس كتير بس تلاقي صداه في الشارع كبير”.

يذكر أن فيلم “واحد تاني” بطولة أحمد حلمي، روبي، نسرين أمين، عمرو عبد الجليل، سيد رجب، أحمد مالك، نور إيهاب، ومشاركة عدد من ضيوف الشرف منهم عمرو وهبة، ومن من تأليف هيثم دبور، وإخراج محمد شاكر خضير، وإنتاج شركة سينرجي فيلمز، وماجيك بين وأفلام مصر العالمية وأوسكار.

وتدور أحداث الفيلم حول موظف يعمل أخصائي اجتماعي في مصلحة السجون، حيث يجري مقابلات مع المساجين ويكتب تقارير عن حالتهم النفسية، وفي السجن يقابل أحد زملاء دراسته القدامي ويكتشف أنه أصبح رجل أعمال ناجح، وعقب خروجه يدعوه لحفل يجمع زملاءهم القدامي ليكتشف الموظف أنه أفشل زملاء جيله ويعيد التفكير في حياته مجددا.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock