يسرا: مراهنتش على "أحلام سعيدة"

محمد هيثم
يسرا

قالت الفنانة يسرا، إنها سعيدة جدا بردود فعل الجمهور على مسلسل “أحلام سعيدة”، لافتة إلى أنها لم تكن تتوقع سعادة الأطفال بالمسلسل.

أضافت” يسرا” خلال لقائها في برنامج”The insider” بالعربي المذاع على شاشة “تلفزيون دبي”: “إني أراهن على شيء وأقول هو ده اللي هيكسب محدش يعرف يراهن على حاجة.. أنا بحب أغير وبغير لما أحس إني لازم أغير”.

نرشح لك: خالد النبوي: اخترت شخصية بليغ في “راجعين يا هوى” لأنه كان فيلسوف

تابعت: “يعني أنا عملت ميلودراما سنتين وراء بعض، كانوا مهمين جدا، لكن مقدرش أبقى ماشية بس في الإطار ده، وصعب إني ألاقي كل يوم حدوتة كده.. أنا تعبت وقلت لأستاذ جمال العدل أنا محتاجة حاجة رايقة ناعمة تضحك لايت وحقيقية”.

أوضحت: “كان في مشروع من زمان أوي بتمرن عليه، واحدة اتولدت كفيفة وإزاي كانت بتتعامل مع المجتمع والناس الكلام ده، من زمان أوي لكن عمره ما تم، لكن جت فرصة في النص والموضوع ده مع أستاذة هالة خليل، ومع الأستاذ جمال العدل، هو اللي نقى لي الموضوع وأصر عليه، ودا كان المفروض فيلم مكنش مسلسل”.

أشارت: “أنا أعرف ناس كفيفة عايشين بالحالة دي وبيمروا بيها وأخف دم في العالم، والناس لذيذة وعايشة ومتعايشة ومتسامحة وناس حقيقيين من جوا، وواضحين جدا، وشايفين حاجة إحنا مش شايفينها”.

وعن رأيها في مسلسل “الاختيار”، قالت: “مسلسل الاختيار بالنسبة لي مهم، لأني بحبه جدا، وبشوف البلد مرت بإيه، ومهم جدا أنك تعرفي الحقائق من الوثائق الحقيقية الموجودة، مفيهاش زيف مفيهاش كلام، في حقائق موجودة، وده شيء يخليكي تعرفي أنتي فين وكنتي فين”.

“أحلام سعيدة”، تأليف هالة خليل، وإخراج عمرو عرفة، وإنتاج جمال العدل، وبطولة يسرا، وغادة عادل، ومي كساب، وشيماء سيف، وعماد رشاد، وعدد آخر من الفنانين.