خالد عليش يطالب بتغيير قانون الأحوال الشخصية
طالب الإذاعي خالد عليش بتغيير قانون الأحوال الشخصية، وجعل حق الولاية والحضانة على الأطفال مشتركة بين الأب والأم، ليتمكن كلاهما من تربيتهم تربية سليمة.
قال “عليش” عبر حسابه على “فيس بوك”: “قانون الأحوال الشخصية محتاج تعديل يضمن حق الست والرجل وقبلهم الأطفال، لو عمل درامي ناقش حالة واحدة بظروف معينة، في حالات تانية كتير مظلومة ومتبهدلة سواء ستات أو رجالة، احنا زي ما بنتكلم على أب ظالم مبهدل عياله عشان يذل طليقته، في أم ظالمة بتبهدل عيالها عشان تذل طليقها اللي ساب جنتها و خلع ويتعاقب باقي حياته حتى لو هي اللي طالبة الطلاق”.
نرشح لك: أكرم حسني يحصل على إشادات المشاهير بمسلسل “مكتوب عليا”
أضاف: “حق الولاية والحضانة لازم تكون مشتركة بين الأب والأم، متسائلًا: “إزاي أب هيربي أولاده والقانون بيديله بس أنه يشوفهم كم ساعة في الأسبوع في مكان عام ومش من حقه ياخدهم ويخرجهم أو يسافر معاهم؟ ازاي الطفل أصلا هيبقي في علاقة طيبة بينه وبين والده وهو مش بيشوفه غير ساعتين في الأسبوع والأم طول الأسبوع بتسمعه كلام وحش بشكل مباشر أو غير مباشر عن باباه وجده وجدته”.
أردف: “لازم الطفل يعيش مع باباه و مامته مشتركين لازم الطفل يسافر مع باباه و مامته و بتفسح معاهم هما الاتنين، لازم الاب يكون عنده الحق يدخل لابنه المدرسة و يتناقش مع المدرسين و يرووح الطفل اوقات و يمارس دوره كأب مش يمنعوه من ده، اتقوا الله في اطفالكم و اوعو تشجعو ام مانعة الاب يشوف اولاده بحجة انه هيخطفهم و لو عايز تشوفهم تعالى اقعد في بيت اهلى تتفرج عليهم من بعيد عشان متاخدش الطفل و تهرب او استخدم حق الرؤية وشوف الطفل زي المسجون اللي مستني الزيارة”.