دعاء فاروق تسخر من تصريحات لقاء الخميسي عن علماء الدين

هاجمت الإعلامية دعاء فاروق الفنانة لقاء الخميسي، بعد تصريحات الأخيرة بأن المسلمين ليسوا في حاجة لأحد يفسر لهم الدين، بل يحتاجون تعلم التفكير والفهم من أنفسهم، معلقة: “كفاية أفكار مسمومة زهقنا”.

حيث قالت “الخميسي” في منشور لها عبر “تويتر” أمس الجمعة: “احنا مش محتاجين أشخاص زينا يفسر لنا الدين.. احنا محتاجين نتعلم نقرأ ونفكر ونتعلم نحب ونتفهم.. كفاية بقى أفكار مسمومة.. زهقنا”.

نرشح لك:في الموسم الثالث من “حياة كريمة”.. أبطال مصريون يستحقون التكريم

من جانبها قالت “فاروق” عبر صفحتها الرسمية على “فيس بوك”: تمام يا أستاذة عندك حق، أنتي صح احنا حتى مش محتاجين أشخاص زينا يفسروا لنا الفلسفة وعلم النفس مفيش أسهل من علم النفس على فكرة، كتب علم النفس مرمية برخص التراب في سور الأزبكية نشتري ونذاكر ونفهم ونتفهم ونحب ونتحب ونقب علي وش علم النفس بقى”.

أضافت: “ليه نحترم أستاذ علم النفس اللي درس وخد دكتوراه في تخصص معين في فرع من فروع علم النفس ايه الزهق ده؟؟ احنا زهقنا بصراحة من الناس اللي بتتخصص دى يا جماعة، ارموا التخصصات دى كلها في الزبالة، اوعوا بقي يا كماحة أنا زهقت”.

تابعت: “أي علم في الدنيا لا يكيل بالبتنجان علوم شرعية وعلوم فقهية وعلوم جيولوجية وعلوم مقارنة أديان وايه علم الاجتماع ده كمان؟؟؟ ده مفيش أسهل من اننا نشتري كتاب علم الاجتماع لابن خلدون ونقراه ونبقي أساتذة علم اجتماع على سن ورمح”.
استطردت قائلة: “وايه ابن خلدون ده راخر؟!!! هو احسن مني في ايه ؟؟؟ عنده مخ وأنا معنديش يعني؟؟ طب ده لو جه دلوقتي أنا هعرفه مقامه، ولا هيعرف حاجة في علم الاجتماع بتاعنا دلوقتي، الدنيا اتغيرت جدا وانتو لسه بترجعوا لابن خلدون؟؟!!!! ده تخلف ورجعية وعربية كارو ماشية بظهرها عالكوبري”.

استكملت: “وايه ابن سينا ولا الرازي ولا وابن النفيس مين الناس دى يا جماعة أحرقوا ميتين ام الكتب الكئيبة دى خلينا نفرفش كده ونبدأ علي نضافة بقي.. العلم في الراس مش في الكراس اجدع.. وسمعني باجي وفي ايدى الرضعة عشان اغدى النونة.. كيفي كده كيفي كده واللي اقوله هنمشيه”.

الفنانة لقاء الخميسي دعاء فاروق رئيسية علماء الدين