الرئيس يستجيب لطلبات سيدة تعول أسرتها رغم إعاقتها على الهواء

استجاب الرئيس عبد الفتاح السيسي، لطلبات السيدة محروسة، التي تعول أسرتها وزوجها المريض وهي على كرسي متحرك.

قال الرئيس خلال اتصالا هاتفيا ببرنامج “من مصر”، المذاع عبر شاشة “cbc”، مع الإعلامي عمرو خليل: “أنا يشرفني أني أنا أكلمك، خليني أقولك ربنا يخليكي ويوفقك.. اسمحيلى إن أنا اقف جنبك وأقولك والله الست المصرية دايما مثل عالي وراقي وأنا بتشرف إني بكلمك دلوقتي والله”.

السيدة محروسة تعول أبناءها وزوجها المريض بقيادة التروسيكل. وقالت خلال مداخلة بتقنية الفيديو مع الإعلامي عمرو خليل: “الحمد لله أنا راضية باللي ربنا قسمهولي، أنا عندى ولد أكبر مني بـ17 سنة اللي هو زوجي مشاكله الصحية صعبة شوية، وبضحك على أي أم مش متحملة شقاوة ابنها وبقولها تعالي شوف الابن الكبير ده عنده زهايمر وضغط وسكر وجلطة في المخ وشيخوخة مبكرة”.

تابعت: “قعدنا 3 سنين هو اللي بيصرف على البيت وأخدني وأنا معاقة وبدأت الإصابات تأتيه تباعا مما جعلني أضطر للنزول إلى العمل، ومهما كان التعب كفاية أني بقدر أؤدي رسالتي، شغلي متعب وفيه إرهاق لكن ببقى سعيدة أني أخلي أولادي ما يطلبوش حاجة من حد بعلمهم عزة النفس وعلاج زوجي مكلف جدا”.