بفيديو من حجرة العزل.. مديحة حمدي تعلن تطورات حالتها الصحية
ياسمين شهاب
قالت الفنانة مديحة حمدي، إن حالتها الصحية في تحسن مستمر، وذلك عقب إصابتها بفيروس كورونا وخضوعها للعزل المنزلي.
أضافت “حمدي” خلال بث مباشر بموقع التواصل الاجتماعي “فيس بوك”، ظهرت فيه من غرفة العزل في منزلها برفقة طبيبها: “أنا حالتي الصحية بقيت أحسن وبتحسن الحمد لله.. وطبعا لازم أشكر الدكتور وبقول لكل حد يجي له الفيروس أهم حاجه يكون متفائل، لأن ده بيساعدك تكون أحسن وبيقوي الجهاز المناعي”.
نرشح لك: روجينا تعلن إصابة ابنتيها بكورونا
كما وجهت رسالة لمتابعيها، لافتة إلى أن العلاج المنزلي أو الصيدلية المنزلية ليس لهم فائدة، وشددت على ضرورة الذهاب إلى الطبيب المختص لوصف العلاج المناسب.
في ذات السياق، شرح الطبيب المعالج للفنانة مديحة حمدي، حالتها الصحية موضحًا: “أنا الطبيب المعالج للفنانة وهي الحمد لله حالتها أنها أصيبت بأوميكرون وبدات تتحسن والدنيا تكون أحسن بس لازم نكمل 10 ايام العزل وحالتها الصحية كويسة وكمان الأكسجين والصدر كويسين ومافيش اي مشاكل في الجهاز التنفسي”.
في سياق آخر، كانت الفنانة مديحة حمدي روت قصة ارتدائها، قائلة إن والدها لم يمانع احترافها التمثيل لأنه كان رجلا متفتحا، مضيفة: “بس كان دايما يقولي اسم أخواتك على قورتك، لأننا 4 بنات.. كل ما تتحركي إحنا معاكي”.
أضافت “حمدي” خلال حلولها ضيفة على برنامج “بنت البلد“، مساء السبت، عبر قناة “صدى البلد” مع نشوى مصطفى، أن زوجها الراحل ضابط شرطة نشأ نشأة ريفية. مردفة: “زوجي كان في الأول يقوللي أنا عارف أنك فنانة، لكن مش عايز في يوم من الأيام ظابط أقل رتبة يرميلي مجلة على المكتب، وأنا مش هنسى الجملة دي”.
تابعت: “الحجاب بالنسبالي مجاش وليد لحظة أو يوم، هو اتسرسب جوايا، والفضل بعد ربنا سبحانه وتعالى، وأبويا وزوجي، للأستاذ أحمد توفيق الله يرحمه وزوجته رباب حسين. كنا كل سنة في رمضان نعمل المسلسل الديني في رمضان، ولازم أقرأ التاريخ والأحاديث وآيات قرآنية وأفهم المعنى”.
أردفت: “في يوم 22 رمضان سنة 1992، قبل الزلزال عشان محدش يقول اتحجبوا بسبب الزلزال، ومكنش بسبب حاجة، كان من كتر ما اتشبعت في العمل في البرامج الدينية فدخلت زحفا وبرفق.. ومكانش في شغل في الشهر ده، دخلت على زوجي في اليوم ده وقلتله هتحجب، فسألني متأكدة؟ قالي أنا مش هسمحلك ترجعي في كلامك تاني.. وجابلي شيخ على التليفون، وبعدها تقابلت مع الشيخ الشعراوي والشيخ محمد الغزالي وخدتني الحاجة ياسمين الخيام، عشان نسأل إزاي أجمع بين الفن والحجاب، لأني وأنا بعمل عمرة والحج مكنتش قادرة أدعي يا رب يتوب عليا وأسيب المجال”.