شيرين: أعيش مشاعر الأمومة الحقيقية مع حفيدتي
قالت الفنانة شيرين إنها تعيش مشاعر الأمومة الحقيقية مع حفيدتها فاطيمة، حتى تعوض غيابها عن ابنتها ميريت أثناء طفولتها بسبب انشغالها بالفن
قالت “شيرين” خلال “Secret Dinner Club” على منصة “شاهد“، أنها عودت حفيدتها على بعض الأشياء، قائلة: “عودتها لما تيجي تنام تلمس وشي علشان تتأكد إنه أنا وتطمن”.
View this post on Instagram
نرشح لك: شيرين تحكي كيف تدخل سمير غانم في نطقها إيفيه “الصرصار”
تابعت: “علشان اعوض نفسي إني اتحرمت وقت طويل جدا من إني أحضن بنتي لأني برجع بتكون هي نايمة، أوقات كتير كنت لما برجع من التصوير بيبقى عندي مسرح في إسكندرية وتصوير في القاهرة، برجع احط روج كتير وابوسها وهي نايمة علشان لما تصحى وتغسل وشها تشوف بوقي على خدها فتعرف إني جيت وحضنتها”.
كم جانبها، قالت ميريت ابنة شيرين: “مش مكناش بنتكلم بس يمكن مفيش وقت، الحياة سريعة أوي، المشكلة إن الأيام بتعدي وممكن ميبقاش فيه وقت تقول كل حاجة عايز تقولها، عايزاها بس تعرف إني بحبها”.
في سياق آخر، كانت الفنانة شيرين، قد نعت الفنان الراحل سمير غانم، الذي رحل عن عالمنا، عن عمر ناهز الـ84 عاما.
قالت شيرين خلال اتصال هاتفي مع الإعلامي عمرو أديب، مساء الجمعة، المذاع عبر شاشة “mbc مصر”، إنه إنسان بمعنى الكلمة فلم يؤذ شخص في أفلامه بالضرب أو الإهانة.
تابعت: “من حسن حظي إني اشتغلت معاه مسرحية المتزوجون، ومكنتش أول واحدة تشتغلها كان قبلي الفنانة هويدا، وهو معملش معايا ولا بروفة. وفضل من ربنا إن أول مسرحية كاملة في حياتي تظل وتبقى، بقالها 42 سنة صورت سنة 1979”.
أردفت: “ومن فضل ربنا عليا إني اشتغلت مرة تانية مع الأستاذ سمير، في مسرحية أنا ومراتي ومونيكا وكانت في لبنان. والبني آدم ممكن متعرفوش في بلدك. وكنا متعودين في المتزوجون أننا نيجي بدري، وأتعلمت في مدرسة الفنان سمير غانم إني ممكن أضحك من غير ما أقصد”.
أضافت: “أنا اترجيته يعمل معايا إن شاء الله بروفة واحدة، قالي بكره هنشتغل كتير وكان راجع من اليونان وكان جايبلي عروسة هدية”. مضيفة: “وعلى قد ما كنت حزينة على فراقه لكن كنت سعيدة وأنا شايفة دنيا وإيمي ولاده ومعاهم أزواجهم حسن ورامي، وفكرني بصورة بالقرآن معناها دا جاب بنت دا ذكراه مش هتبقى موجودة”.
واصلت: “دلال دي أختي اللي مجبتهاش أمي. ربنا يشفيها ويقومها بالسلامة”. وعن إيفيه “الصرصار” في مسرحية “المتزوجون”، قالت: “أن لقبها في الأسرة شيرين صرصار، وأنا مضطرة أحب الصرصار لأنه سبب شهرتي. ومكنش في حد ورا الإيفيه. أنا كان عندي برد في يوم ونطقت الكلمة بطريقة غريبة عشان البرد. بعد العرض سمير طلب مني أكررها كل يوم بنفس الشكل”.