وزير التعليم: الامتحانات في موعدها
ياسمين شهاب
قال الدكتور طارق شوقي وزير التربية والتعليم والتعليم الفني، إن الدراسة مستمرة، مؤكدا أنه لا يوجد أي تأجيل في مواعيد امتحانات الفصل الدراسي الأول.
أضاف “شوقي” خلال مداخلة هاتفية ببرنامج “حضرة المواطن” المذاع على فضائية “الحدث اليوم” ويقدمه الإعلامي سيد علي: “احنا مش عايزين نكرر نفس الموضوع اللي حصل قبل كده عاوزين الولاد تذاكر وتحضر للامتحانات ومفيش تأجيل، الوقت مهم ومحدش يلتف لأي خبر احنا لو هنأجل هنقول”.
نرشح لك: تصل إلى الحبس 5 سنوات.. الضرائب: عقوبة التهرب الضريبي سارية على “البلوجرز”
تابع: “الحمدلله الدراسة منتظمة والامتحانات في ميعادها وده كويس، لكن عندنا عمل كبير، بندرب السادة المعلمين، فيه حلول بنبحثها علشان نحل الكثافات في زمن قصير، بنشتغل في اتجاهات كتب، لكن كل على ما يرام بالنسبة للدول الأخرى، ونتمنى ننهي الترم الأول على خير، والترم التاني كمان”.
جدير بالذكر أن الدكتور طارق شوقي قال، إن الصف الرابع الابتدائي مجرد عام دراسي نقل عادي مثل غيره، ولكنه مهم في نظام التعليم الجديد لما يحتويه على مستوى أعلى في مواد العلوم والرياضيات.
استكمل “شوقي”، خلال مداخلة هاتفية في برنامج “الحكاية” المذاع على فضائية “MBC مصر” ويقدمه الإعلامي عمرو أديب: “لازم كلنا نبقى عارفين ما المطلوب من مخرجات تعلم في العلوم والرياضيات وباقي المواد لأنه هيتبني عليه مواد خامسة وسادسة وهما طالعين”.
استكمل: “كل ما اكتسب الطلاب أكبر قدر من هذا كلما كان الطريق فيما بعد أسهل، الفكرة ليست في الرسوب والنجاح مثلما يتحدث البعض ولكن الفكرة هي قياس مدى استيعاب الطلاب، مردفًا: “الامتحان ما هو إلا قياس لمدى استيعاب الطلاب، الفكرة مش إننا نعاقب الأولاد الفكرة إننا نقيس، والمفروض الأهالي يساعدونا ويسألوهم ويذاكروا معاهم علشان نقدر نغطي المنهج والطلاب يستوعبوا أكبر قدر من المنهج، ولكن حكاية نمتحن من البيت وننجح الكلام ده كله، فيه تفادي شديد، مفيش دول تانية بتعمل كده”.