ياسمين عبد العزيز عن "العوضي": راجل مصري أصيل

محمد هيثم

حل الفنان أحمد العوضي وزوجته الفنانة ياسمين عبد العزيز ضيوفا على برنامج “معكم منى الشاذلي”، مساء الخميس، ويعد ذلك الظهور الأول لياسمين منذ تعرضها لأزمة صحية وإجرائها عملية جراحية.

قالت “عبد العزيز” خلال لقائها في برنامج “معكم منى الشاذلي” اليوم الخميس المذاع على فضائية “CBC” وتقدمه الإعلامية منى الشاذلي عن “العوضي”: “هو راجل مصري أصيل وأنا ست مصرية أصيلة، وبقوله قولي كلام رومانسي بيقولي ربنا يخليكي ليا ومبيقولش حاجة”.

 ياسمين عبد العزيز

 ياسمين عبد العزيز

نرشح لك: أحمد العوضي يرد على تأخر سفره مع ياسمين عبد العزيز إلى سويسرا

 

أضافت: “أنا رومانسية على فكرة وهو على الله حكايته، هو شايف أن الحب أفعال، بس الواحد بيبقي عايز الكلام برضه”.

من جانبه قال العوضي: “الحب يا أفعال يا أقوال وأنا اختارت الأفعال، أصل القول سهل لكن الفعل صعب، أنا ممكن أقولك بحبك بعشقك سهله لكن أن أنا أثبت ده هو ده الصعب”.

وردا على سؤال الشاذلي أنه مع من كان يتحدث أثناء مرض ياسمين قال: “أنا كان جمبي أخويا وصحابي يوم بيوم وساعة بساعة، بس في اللحظات الصعبة اللي زي دي مبحبش اشتكي لأن محد هيفهم اللي أنا حاسه”.

كانت الفنانة ياسمين عبد العزيز، كشفت عن التفاصيل الحقيقية لأزمة مرضها الأخيرة، والخطأ الطبي الذي تعرضت له.

قالت “ياسمين” خلال لقائها مع برنامج “معكم” مع الإعلامية منى الشاذلي، اليوم الأربعاء عبر شاشة “cbc”، إنها تعاني من مرض بطانة الرحم المهاجرة “chocolate cyst” منذ عمر 16 عام، معلقة: “أنا متعودة بعمل عملية معينة من وأنا عندي 16 سنة لأن عندي (chocolate cyst)، روحت للدكتور وهعمل العملية عادي بعد مسلسلي الأخير، اللي مشوفتش بعده خير من كورونا لتعب.. وأنا مش بحب أشتكي أصلا”.

أضافت: “المهم إن العملية كانت هتخلص بعد ساعتين ومعايا أحمد وبنتي وصاحبتي بس، طلعت منها فيه ألم رهيب وبصرخ لأول مرة وبقولهم أنا بموت، وباخد مسكنات ومفيش فايدة.. مرة واحدة لقيتهم بيقولوا لو معملتش عملية كمان ساعة هموت، طلع إن قولوني اتخرم وجالي تسمم في الدم، الدكتور كان داخل العملية وعارف إني هموت”.

أردفت: “وأنا داخلة العملية قولت لأخويا الكبير خلي بالك من ياسمين وسيف، لأني كنت حاسة إني مش هطلع.. وطلعت من العملية على العناية المركزة كانت الخراطيم والحقن في كل حتة في جسمي، اللي بيدخلوا عليا كانوا بيشوفوني بموت والدكاترة بيقولوا هي ماشية اليوم بيومه واللي بيدخل على الجهاز اللي أنا عليه ما بيطلعش.. جالي وقت قولتلهم أنا مش قادرة أكمل شيلوا كل حاجة أنا خلاص هبقى مرتاحة لو روحت لربنا”.

ليه بنحب ماجد الكدواني؟