شاشة

أحمد حسام ميدو يكشف تفاصيل أزمة عبد الرحمن مجدي في الأولمبياد

كشف الإعلامي أحمد حسام ميدو، لاعب نادي الزمالك السابق، تفاصيل الأزمة التي تعرض لها لاعب المنتخب الأوليمبي ونادي الاسماعيلي، عبد الرحمن مجدي، حيث قرر اتحاد الكرة المصري إيقافه بسبب اتهامه بالإساءة لإحدى الفتيات العاملات في فندق الإقامة باليابان خلال تواجده مع بعثة المنتخب بأولمبياد طوكيو 2020.

قال “ميدو” خلال برنامج “أوضة اللبس” المذاع على شاشة النهار، إن الخبر أزعجه لأنه يمس سمعة لاعب كرة شاب، مضيفا: “النهاردة اتكلمت مع عبد الرحمن مجدي، وقالي إن قبل مباراة الأرجنتين، بنت يابانية من العاملات في الفندق، دخلت الغرفة وكان موجود عبد الرحمن مجدي وعمار حمدي”.

نرشح لك: سبب منع تشغيل صوت الجماهير في مباريات مصر بأولمبياد طوكيو

 

تابع: “فالبنت عملت الأوضة والباب اتقفل عليها، وعبد الرحمن بيقول إنه كان عايز يديها بقشيش، فعرض عليها فلوس، أداها 200 جنيه مصري، ومع اختلاف الثقافة واللغة، البنت مش فاهمة، عبد الرحمن بيقول إنه حط أيده على كتفها، فالبنت افتكرت إنه بيتهجم عليها، حصل سوء فهم والبنت عملت شكوى، جابوا الكاميرات وطلع إن الباب اتقفل 20 ثانية بس ومحصلش حاجة والبنت خرجت”.

استكمل: “وحصل تحقيقات كبيرة في قسم الشرطة، عبد الرحمن راح ومعاه عمار حمدي وأحمد مجاهد، فضلوا قاعدين أكتر من 4 أو 5 ساعات، لما حصلت القصة دي، طلع قرار بأن عبد الرحمن موقوف لنهاية البطولة لكن مش هيتم الإعلان عن حاجة دلوقتي، واستمرت التحقيقات لما اتنقلوا بلد تانية، وفي النهاية اتقفل الموضوع في اليابان، بأكد إن عمار وعبد الرحمن معملوش حاجة، اللي حصل سوء فهم”.

فنانات وإعلاميات تحدثن عن الحجاب

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock