كلمة منى زكي خلال تكريمها في مهرجان الجونة
كرم مهرجان الجونة السينمائي الفنانة منى زكي خلال حفل افتتاح دورته التاسعة، حيث تسلمت جائزة الإنجاز الإبداعي عن مشوارها٠ الفني، وألقت كلمة أمام الحضور تحدثت فيها عن محطات في تجربتها وعلاقتها بالوسط الفني.
قالت "زكي" خلال تسلمها التكريم في حفل افتتاح مهرجان الجونة: "شكرا لمهرجان الجونة.. أنا قعدت كتير أفكر أقول إيه النهارده، ومفيش حاجة كانت بتيجي في بالي غير جملة قالها زميلي فتحي عبد الوهاب: شكرا وربنا لطف، مضيفة "فعلا لطف ربنا كبير".
منى زكي
أضافت "أتمنى إني دايما أبقى محاطة بعيلة فنية زيكم، لأني كتير قوي خبطت في الأرض، وأنتم اللي وقفتوني، فبشكركم".
منى زكي
تابعت: "بشكر كل مخرج ومؤلف وكل حد ورا الكاميرا اشتغلت معاه، لأن كلهم علموني كتير وسندوني، وكانوا بيعرفوا الوقت اللي ببقى فيه مخبوطة 100 شاكوش على راسي، وبيقفوا جنبي كتير.. حقيقي أنتم عيلتي الكبيرة".
كما وجهت نصيحة للشباب قائلة: "ما تخلوش الخوف يتحكم فيكم، حاولوا تطنشوه ومتحسوش بيه، ودوسوا عليه، لأن الخوف بيكتف".
منى زكي
أضافت "الخوف بيبقى جوايا طول الوقت، بس هي حرب جوه نفسنا، لازم نخوضها عشان نقدر نقوم تاني ونكمل".
اُختتم التكريم برسالة صوتية من ابنتها لي لي أحمد حلمي لوالدتها، قالت فيها "لكل ست خليتينا نقف جنبها ونصدقها ونشوف الحياة بعينيها.. أنتي أهم إنسانة ليا.. بحبك قوي قوي".