بعد إثبات نسب طفليها.. حبس زوج هالة صدقي

أصدرت محكمة الأسرة في قصر النيل، قرار قضت فيه بحبس زوج الفنانة هالة صدقي، بعد أن تم رفض الدعوى التي تقدم بها بشأن إنكار نسب طفليها، وحكمت المحكمة بإثبات نسب الطفلين.

وأوضحت المحكمة أنه سيتم حبس زوج الفنانة هالة صدقي، شهرا لامتناعه عن دفع متجمد نفقة قدرها 320 ألف جنيه لصالحها.

نرشح لك: هالة صدقي عن طلبها في بيت الطاعة: مفيش طاعة ولا طلاق عند المسيحيين

حبس زوج هالة صدقي

وكانت محكمة الأسرة قضت في حكم سابق بحبس زوج الفنانة هالة صدقي شهرا لامتناعه عن دفع متجمّد مبلغ النفقة المحكوم لها ولأولادها به وقيمته 155 ألف جنيه.

يشار إلى أن زوج هالة صدقي، كان قد ظهر في فيديو له وأكد على أنه لن يتنازل عن حقوقه، وقال: “أنا مش هتنازل عن أي حاجة، وبستغيث بالنائب العام، أرجوك ساعدني، أنا مش طالب غير حقي، وعايز أعرف دول ولاد مين؟ أنا متأكد طبعًا إنهم ولادي 100% لكن عايز أعرف مين أمهم وإزاي هي تعمل كده”، مضيفًا: “القضية تخصني وأنا اللي هترافع لأنها قضيتي”.

على صعيد آخر، كانت هالة صدقي، قد علقت على تلقيها إنذارًا بالطاعة من زوجها، وقالت: “الراجل بينفرد بقضايا متنوعة مختلفة، يعني عنده الإبداع ده، والحقيقة كل القضايا اللي رفعها، هو مكسبش ولا قضية”.

تابعت “صدقي” خلال مداخلة هاتفية مع برنامج “كلمة أخيرة” المذاع على شاشة ON وتقدمه الإعلامية لميس الحديدي: “هو نزل النفقة النص بتاعة مدرسة الولاد، لكن هو بيبدع، ومرة يشكرني ومرة يشتمني، ومرة يبعت رسايل يتأسف ويقول أنا هبقى كويس، وتاني يوم تلاقيني بتشتم مش عارفة ليه”.

استكملت: “ممكن عنده علاقات كتيرة وكل واحد بينصحه بنصيحة، لكن أنا الحقيقة ست ملتزمة، أنا في الطاعة بتاعتي تمام أنا ملتزمة جدا على فكرة، بس إحنا اتجوزنا في بيتي في شقتي وخلفت في شقتي، فهو فين الشقة؟ هو طبعا قالب الأحداث، كاتب إن شقة الزوجية على عنوان أبوه، الحقيقة إن هو كل عناوينه على عنوان بيتي، بس أنا معاه وملتزمة بس فين الجثة؟ يعني هو في أمريكا، ولا أنا هروح أقعد لوحدي ولا ايه مش فاهمة؟”.

أردفت: “أساسا عند المسيحيين لا فيه طاعة ولا فيه طلاق، لكن هو عايز يعمل شو إعلامي، وأنا هساعده في ده، يعني هو لسه باعت إن الولاد يطلعوا من المدرسة ويروحوا مدرسة حكومة”.

اختتمت: “قال أنا مش مانع ولادي من السفر وهو لحد النهاردة عاملهم منع سفر ورافض يجددلهم الباسبور الأمريكي، بيستعمل كل الوسائل للضغط عليا، هو زودها قوي والأطفال اللي بيدفعوا التمن”.

إجازة رسمية من 19 إلى 24 يوليو