خالد الجندي: لا يمكن إصدار قانون للفتوى

كشف الداعية خالد الجندي عن رأيه في اقتراحات بعض أعضاء مجلس النواب بإصدار قانون بالفتوى، وقال إن هذا الكلام لا يمكن في تقديره الخاص.

تابع “الجندي” خلال برنامج “لعلهم يفقهون” المذاع على شاشة dmc: “لا يمكن إصدار قانون للفتوى، شوفوا بقى الكلام صعب جدا، لكن ده تقديري وربما أكون مخطىء، أنا كلامي مش قرآن يعني، إنما في اعتقادي إنه لا يمكن يصدر قانون للفتوى، لا لا هذا الكلام صعب جدا ولا يمكن ولا يعقل”.

نرشح لك: حرفت كلامه.. رسالة الشيخ محمد أبو بكر لإحدى المؤسسات الصحفية

استكمل: “ليه؟ للأسباب الآتية، قضية زي دي لازم يكون فيه حوار مجتمعي، أول حاجة لو أنت أصدرت قانون للفتوى إن ناس تفتي وناس لا، القائمة اللي هتصدر بالفتوى، ما هي طلعت قبل كده، طلعوا قائمة فيها شوية ناس ليهم كل الاحترام والتقدير مقدموش أي فتوى”.

أردف: “القوائم اللي اتقدمت بالفعل أيام الأستاذ مكرم محمد أحمد الله يرحمه، فيها كان حوالي 20 من الأوقاف و20 من الأزهر، و20 من الإفتاء، المهم كل جهة قدمت اللستة بتاعتها من الـ20 وأنا مكنتش في ولا واحدة من الـ3 كشوفات بالمناسبة”.

الداعية خالد الجندي