خالد الجندي: بزعل لما يتقال على الفراعنة كفار

قال الداعية خالد الجندي، إن معظم الشباب الصغير لا يعرف أي اسم من أسماء المصريين القدماء، ولا يعرف أي شيء عن الملوك ولا الفراعنة.

تابع “الجندي” خلال برنامج “لعلهم يفقهون” المذاع على شاشة dmc: “تصور أنه إلى يومنا هذا، البعض متصور إن كلمة فراعنة يعني كفرة، تخيل؟ كلمة فرعونية يعني الكفر، فراعنة يعني الكفرة؟ مع إن الفراعنة اللي كان كافر فيهم هو الفرعون”.

نرشح لك: خالد الجندى: المتعة جنسية فى الجنة ولكن

استكمل: “أنا يزعلني جدا إن حد يقولك على أجدادك من الفراعنة، وبتشنج وبتضايق، لما حد يقولك ده الفراعنة دول كفار، الفراعنة زيينا دلوقتي في واقعنا المعاصر، فينا مؤمنين وفينا كفار، أي عصر لا يخلو من وجود مؤمنين وغير مؤمنين”.

أردف: “الآية الكريمة (وقال رجل مؤمن من آل فرعون) معناها إن فيه غيره كتير، الأمر التاني السيدة آسيا امرأة فرعون هي سيدة نساء العالمين بعد مريم، مش دي من الأسرة الفرعونية؟”.

أضاف: “التالت وهو السحرة اللي اتعذبوا عذاب شديد ورغم كده لم يتخلوا عن إيمانهم، الرابع هي ماشطة بنت فرعون، غير كده تنظيماتهم الإدارية والسياسية وعلومهم الفلكية والهندسية والعدالة الاجتماعية والحكم والأمجاد اللي سابوها، ده إحنا الفراعنة دول لم يترك واحد منهم قصر ولا شاليه، كل اللي سابوه معابد وقبور”.