بعد 18 عاما.. ريهام سعيد تراجع نفسها عن الطلاق

وجهت الإعلامية ريهام سعيد، نصائحها للسيدات المتزوجات، قائلة: “زمان وأنا صغيرة كنت اطلع أقول اللي مش مرتاحة مع جوزها لازم تتطلق، واللي بتيجي على كرامتها لازم تتطلق ولو مش عايشة ملكة لازم تتطلق، مينفعش إنك تبقي قاعدة علشان بيتصرف عليكي أو ملكيش حتة تروحيها”.

أشارت “سعيد” خلال حلقة الأمس الثلاثاء من برنامج “صبايا الخير” المذاع على شاشة النهار، إلى أنها انفصلت عن زوجها وهي في عمر الـ 21 عاما، مضيفا أنها كانت ترى أنها بطلة لأنها فعلت ذلك، مؤكدة أنه من المؤلم أن تعيش المرأة حياتها بدون تفاهم من زوجها.

نرشح لك: مفتي الجمهورية: 4 آلاف فتوى عن الطلاق شهريًا


أكدت أنه لا بد أنه هناك طرق أخرى لحل الخلاف غير الطلاق، وأنها غيرت وجهة نظرها التي كانت تتبناها عندما كانت تعمل بقناة المحور عام 2003، قائلة: “دلوقتي لما كبرت وجهة نظري تغيرت، وبغير كل الكلام اللي كنت بقوله لما بدأت في المحور وأنا عندي 24 سنة، اوعي تطلقي، اوعي تمشي ورا اللي يقولك كرامتك شكلك، هو اللي يعمل هو اللي يسوي، لا وخصوصا لو عندك أطفال، لازم نوصل لحل بس من غير طلاق”.

وتابعت: “عارفة إن الدنيا هتتقلب عليا بس أنا بقول كلمة لله، ماتطلقوش ومتخربوش بيتكم”، وطالبت الزوجات بأن لا توافق على الشتائم والضرب، ولكنها من الممكن أن تسامح من أجل الأولاد.

استكملت: “ودي تحتها 700 ألف خط”، موضحة أن تربية الأولاد بين آبائهم ستكون مختلفة، وعندما يعيش الأولاد مع أبائهم فالأمر لا يقدر بثمن.

أردفت: “وانتي تاخدي اللي انتي عايزاه بالحسنى والذكاء”، مضيفة أن المرأة التي تفعل ذلك لا تقدم تنازلات بل هي في منتهى القوة، موضحة أن التنازل من أجل الأولاد والمسامحة ولم شمل البيت منتهى القوة.

استكملت: “لو عرف واحدة عليكي سامحي، لأنه مدام لسه معاكي يبقى بتاعك، عرف واحدة عليكي دي نزوة، متتنازليش عن بيتك أبدا، لو هو سابك ماشي لكن أنتي ماتطلبيش الطلاق أبدا، إنك تربي ولادك من غير أب ده بيأذيهم أذية غير طبيعية، والحياة مش راجل بس، ابتسامة ابنك بالدنيا وما فيها، ومفيش كرامة بين الأزواج، أنتم دم واحد وحاجة واحدة”.

أوضحت: “أنا مبقولش يضربك مرة واتنين وتلاتة، أنا بقول لو حد غلط مرة، أو وقع في نزوة، شتمك بلفظ، ماتهديش بيتك في لحظة، لو حاجة اتكررت مليون مرة وتحولت لطبع دي حاجة تانية”.

نرشح لك: مفتي الجمهورية: الأصل في الزواج مرة واحدة