عادل الفار: "محدش بيسأل عني"

قال الفنان عادل الفار، إنه لا يسأل عنه أحد من الوسط الفني خاصة أصدقائه، موضحا أن أقرب الناس له في الوسط الفني كانوا خالد عجاج ومصطفى قمر.

تابع “الفار” خلال حلوله ضيفا على برنامج “القاهرة اليوم”، مساء الخميس، المذاع عبر شاشة “اليوم”، مع إدوارد وبثينة توكل: “خالد عجاج اتصل بيه ما يردش وبزعل جدا، واتصل بيه تاني يقولي أنت واحشني قوي، لما أنا واحشك ما ترد عليا!”.

نرشح لك: ليلى علوي تدعو لتأدية صلاة الغائب على روح محمد الصغير

أردف: “أنا ما بحبش اتصل بحد، عشان لو مردش عليا أنا بزعل جدا، للأسف الوسط دا غدار لأن قبل كده كان كله بيسأل عليا وأنا صغير، لما كبرت بقى مبقتش حلو”.

وجه رسالة للعاملين في الوسط الفني، قائلا: “لازم يبقى فيه ود وحب، ونسأل على بعض ونطمن على بعض، بقول الكلام دا لكل الناس مش الفنانين بس، ونحاول نحل لو حد عنده مشكلة”.

من جانبهما دخل كلا من الفنان إدوارد والإعلامية بثينة توكل في نوبة بكاء، متأثرين بحديث عادل الفار عن تجاهل الوسط الفني له.