ميدو عن صورته مع "الخطيب": "محدش واصي عليا"

رد أحمد حسام ميدو، لاعب منتخب مصر ونادي الزمالك السابق، على الانتقادات التي تعرض لها منذ تداول صورته مع كابتن محمود الخطيب رئيس النادي الأهلي.

كتب “ميدو” عبر حسابه على موقع التدوينات القصيرة “تويتر”: “بتشتم من امبارح أنا وعيلتي علشان اتصورت مع كابتن محمود الخطيب”.

نرشح لك: ميدو يعاتب الخطيب ويقرر تقديم شكوى ضد قناة الأهلي

تابع: “الله يخرب بيت اللي باعلكم التعصب وباعلكم فكرة العداء، وإن إحنا بيننا حرب الله يخرب بيت اللي بدع اللجان الإلكترونية والتريندات”.

اختتم: “الله يخرب بيت العيال بتوع السوشيال ميديا اللي بيوزعوا صكوك حب الزمالك”.

تحدث خلال فيديو مرفق مع التدوينة بأن الرياضة آخر شيء تجعلهم يكرهون بعضا، لأن هدفهم تسلية الناس  مردفا: “معرفش إيه اللي حصل بس لازم الكلام دا يوقف”.

أضاف: “أنا راجل زملكاوي وبعتز بدا ومتربي في نادي الزمالك، لكن الخطيب أسطورة لما أشوفه هتصور معاه ومش معنى كده إني راجل عيب، كابتن حسن حمدي آه عندي تعليق على إدارتهم لكن مش معنى كده لما أشوفه مسلمش عليه”.

وجه رسالة لمنتقديه، قائلا: “الناس اللي بتشتم أنا ماشي، لكن التعصب ميوصلش لكده، لكنا مصريين وكلنا إخوات إيه اللي حصل بينا يوصلنا للدرجة دي، أنا مش واصي على حد ولا حد واصي عليا، جوا الملعب تموت عشان فرقتك برا الملعب الأمور انتهت”.

اختتم: “أنا فخور إني زملكاوي وطول عمري هفضل زملكاوي لغاية لما أموت، لكن مش معنى كده نبقى بنكره بعض، عمر ما شوفت مصر وصلت للدرجة دي من التعصب، لازم ننسى دا”.

كان ميدو تعرض لانتقادات كثيرة وشتائم حادة لظهوره بالأمس بصحبة محمود الخطيب وعدد من مشاهير النادي الأهلي.

أحمد حسام ميدو رئيس النادي الأهلي رئيسية محمود الخطيب ميدو