مبروك عطية عن السيطرة على الأرملة: "كلام حديقة حيوان"
رد الشيخ مبروك عطية، حول التساؤلات المطروحة حول الوصاية على الأرملة من أهل الزوج المتوفي، أو من أهلها.
تابع “عطية” خلال فيديو نشره عبر قناته، على موقع الفيديوهات “يوتيوب”: “إحنا معندناش في الدين حاجة اسمها حد يسيطر على حد، والكلام بتاع حديقة الحيوان ده.. لا حد يسيطر من هنا ولا من هنا، أنتِ بالغة وعاقلة ورشيدة ومسئولة عن نفسك”.
نرشح لك: مبروك عطية: الزواج لغير القادر حرام شرعًا
أضاف: “لو سألتيني مين المسئول.. هقولك أبوكي أو أبو المرحوم.. يعني أنتي المفروض تكوني محاطة بشعورين من شعور المسؤولية، أما أهل المرحوم بقى اللي أنا عارف حالات كتير اوي منها بيبقوا عاوزين يمنعوها عن الماء وعن الهواء وعن الخروج.. وده لا يرضي الله”.
أردف: “أنتي واحدة اتجوزتي بكلمة الله وزوجك مات بأجل الله.. ليكي عدة بكلمة الله وميراث تاخديه بكلمة الله، بس حاولي تشيلي كلمة سيطرة وحطي بدالها كلمة صلة الرحم”.
استكمل: “تخيل لو تروح عند بيت أبوها يزعلوها.. وعند بيتها اللي ورثاه يسمعوها كلمتين، وكل اللي معدي طمعان فيها.. ده يبقى دين إيه؟”.