تامر أمين عن إطلالات فنانات الجونة: في بخل السنة دي
عمر دياب
علق تامر أمين على إطلالات الفنانين في فعاليات مهرجان الجونة السينمائي الدولي المنعقد حاليا وحتى 31 أكتوبر الجاري، قائلا: “مهرجان الجونة عاجبني على مستوى الفعاليات والتنظيم من جانب إدارة المهرجان والشكل العام”.
أضاف “أمين” أثناء استعداده لحلقة اليوم الأربعاء من برنامج “آخر النهار” المذاع على شاشة “النهار” أن الجمهور ترك فعاليات المهرجان وركز على إطلالات الفنانين على السجادة الحمراء خاصة فساتين الفنانات.
نرشح لك: محمد ثروت عن فساتين فنانات الجونة: قمة الذوق
تابع: “أنا عندي ملاحظتين الناس كلها مضايقة إن رانيا يوسف السنة دي ملبستش البطانة ودي حاجة غريبة جدا، وده طبعا أحسن يارب دايما كده”.
استكمل: “الملاحظة الثانية إن الناس مش عاجبها الفساتين، وأنا مش عاجبني أوي الفساتين في بخل السنة دي مفيش صرف، واضح أن الكورونا مأثرة على دخل الفنانين، أو يمكن علشان الهجوم اللي حصل السنة اللي فاتت أتمنى ذلك، بكل الأحوال انسوا الفساتين وركزوا في المهرجان”.