يسرا اللوزي: "رفضت مسلسلين عشان بنتي والكورونا"

دنيا شمعة

قالت الفنانة يسرا اللوزي، إن هذا العام مختلفًا كليًا بالنسبة لها سواء من الناحية العملية والفنية، أو من الناحية الشخصية.

تابعت “يسرا” خلال لقائها مع برنامج “أسرار النجوم” مع الإعلامية إنجي علي، عبر إذاعة “نجوم إف إم”، اليوم الخميس: “شغلانتنا مفيهاش إني أقول لا أنا مش هشتغل السنة دي وبتاع، بس لو اتعرض عليا حاجة.. وتكون فرصة متتضيعش آه هقبلها، إنما مش ههلك نفسي وأشحطط بنتي عشان حاجة متستاهلش.. ومش قصدي ماديًا”.

نرشح لك: 20 كيلو.. يسرا اللوزي تكشف سبب زيادة وزنها

أضافت: “يعني مثلًا قبل ولادة بنتي دليلة.. جالي برنامج ميكروفون، وقتها حسيت إن البرنامج معمول عشاني فعلًا، بس إني أعمل مسلسل 60 حلقة في المرحلة دي كان مستحيل”.

أردفت: “اتعرض عليا مسلسلين مع اتنين مخرجين صحابي وبحبهم واشتغلت معاهم قبل كده.. بس رفضت عشان بنتي وعشان الكورونا، أنا بنتي برضعها طبيعي فبالتالي مش هينفع أحرمها من ده.. وعشان محرمهاش من ده يبقى لازم أخدها معايا اللوكيشن.. وده مش هينفع لظروف الكورونا”.

كما أشارت “اللوزي” إلى أنه لم يعرض عليها أي عمل جديد لرمضان، ولكن تم عرض فيلم جديد عليها، لكنها لا تعرف هل سيتم تنفيذه أو لا، لمشاكل إنتاجية.

يذكر أن آخر أعمال يسرا اللوزي كان مسلسل “بخط الإيد”، بطولة أحمد رزق وسوسن بدر، وإخراج شيرين عادل.