شريف مدكور: الحمد لله إني سقطت في الثانوية العامة
هبة خالد
وجه الإعلامي شريف مدكور، رسالة إلى طلاب الثانوية العامة وأولياء أمورهم بعد ظهور نتيجتهم، الثلاثاء الماضي.
نرشح لك: بسبب كورونا.. رسالة مؤثرة من شريف مدكور للشعب المصري
قال “مدكور” خلال برنامجه “4 شارع شريف”، المذاع عبر قناة “الحياة”، اليوم السبت، إن نتيجة الثانوية العامة ليست نهاية الحياة، متابعا: “الحمد لله إني سقطت في الثانوية العامة لأن حياتي اتغيرت للأحسن”.
تابع: “لو فشلت في الثانوية العامة قدامك حلين إما إنك تقوي من نفسك وتبقى أفضل، أو تنتكس ودا بيرحع لأسرتك اللي هتدعمك أو تكسرك”.
أوضح أنه يعرف أشخاصا كانوا أوائل الجمهورية في الثانوية العامة لكنهم فشلوا في حياتهم فيما بعد، مضيفا: “اللي جاب مجموع كبير ونفسه في حقوق ولا سياحة وفنادق وأهله أجبروه على طب وهندسة بيفشل”.
أردف: “لو سقطت.. راجع نفسك.. عيد السنة.. حاول تنجح وهتنجح.. ربنا ما خلقناش كلنا عشان نجيب 100%.. إحنا بنختلف في قدراتنا”، موضحا أن قوته في مواجهة مرض “السرطان” أو انتقادات الناس له يرجع لدرايته بمدى قوته ومواجهته لسقوطه بالثانوية العامة.
اختتم رسالته لأولياء الأمور قائلا: “انتوا تعبتوا وصرفتوا كتير بس ربنا ما أردش حاجة معينة عشان أولادكم هينجحوا في غيرها بعدين.. ادعموهم وبلاش تحبطوهم وتكسروهم”.
شريف مدكور يوجه رسالة لطالبي الثانوية العامة.. معلقا: أنا سقطت في الثانوية العامة وده غير حياتي للأحسن#4شارع_شريف#قناة_الحياة
Geplaatst door Alhayah TV op Zaterdag 8 augustus 2020