تعليق أسامة كمال على ذكرى ثورة 30 يونيو
قال الإعلامي أسامة كمال بمناسبة ذكرى 30 يونيو في حلقة اليوم من برنامج “مع أسامة كمال”: “30 يونيو يوم رمز، لكن اليوم الحقيقي كان 3 يوليو اللي خرج فيه الرئيس السيسي اللي كان وقتها يعلن القرارات اللي أثلجت صدر المصريين وكانوا على أطراف صوابعهم مستنيينها في الشوارع والميادين، وبالنسبة لي في استوديو القاهرة والناس، كنت قلقان لأن الناس اللي في الميادين ماهماش ولا محترفين سياسة ولا محترفين شوارع وكتير منهم كبار السن مش بس شباب وقدرتهم على الصمود في الميادين والشوارع قليلة.. مناشدات كتير اتعملت للرئيس الأسبق مرسي ولجماعة الإخوان أنهم يستمعوا لصوت العقل ولكن بلا جدوى”.
نرشح لك: كيف قدم الموقع الرسمي للرئاسة الرئيس المعزول محمد مرسي؟
وأضاف: “احنا في الذكرى السابعة لثورة 30 يونيو، يعني هم 7 سنين بس اللي عدوا علينا من وقتها، لكن من كتر الأحداث عاملين زي ما يكونوا 70 سنة.. زي ما المصريين اختاروا اللي حصل في 2011، هم برضه اللي اختاروا 2013 والتحديات اللي قدامنا النهاردة ماجبناهاش من عندنا، لكن يا كانت موجودة، يا جت لحد بابنا”.
أردف: “سد النهضة أعلنته إثيوبيا في ابريل 2011 واحنا مشغولين بالثورة وبالـ 70 مليار بتوع مبارك اللي هيتوزعوا علينا، ليبيا واللي فيها جت لنا لما الليبيين أطاحوا بالقذافي وحلف الناتو والاوروبيين قرروا يخلصوا على البلد ويسيبوها في الفوضى، إرهاب سينا زرعه الإخوان بكلام محمد البلتاجي في 2013، كلامه في 2013، لكن الزرع بدأ قبل كدة بزمان.. أزمتنا الاقتصادية قديمة، وادارة الأزمة محتاجة شغل كتير ووقت طويل”.