عبد الله غلوش يكتب: غلوشيات رمضانية (4)
-اسوأ حاجة لما تصحي علي مكالمة تقفلك من بقية اليوم ، فما بالك بـ 3 مكالمات.
-“تحت السيطرة” بدأ يكرف علي “سجن النسا”.
-نفسي اعرف رأي ابوالسيد وأبوشقرة في اعلانات أم حسن.
-هالة صدقي “حارة اليهود” تنافس دينا “مولانا العاشق” علي لقب صاحبة أفضل بيت دعارة في رمضان.
-عمري ما كنت اتخيل ان الفلوس والسبابيب ممكن توصل عم حسن حسني لمرحلة القطونيل.
-في رمضان قبل اللي فات “دريم” اشترت حوالي 12 مسلسل و6 برامج حصري ، ومن يومها للنهارده وائل الابراشي بقي الحاجة الحصري الوحيدة في القناة.
-لو نزلت اي منطقة شعبية هاتكتشف بسهولة أن مسلسلات حمادة هلال ومصطفي شعبان وفيفي عبده هي رقم 1 هناك .. لغتهم سهلة ومش محتاجين مجهود في التفكير أو الشرح.
-مفيدة شيحة فتحت كافيه اسمه “نعناع” في المعادي .. يا بركة الشيف شربيني.
-عمرو الشناوي رئيسا لقناة النيل للأخبار .. افضل قرارات محلب من فترة طويلة.
-علاء ولي الدين السبب الرئيسي في تأجيل عرض حملات بيبسي الاعلانية حتي الان.
-“استيفا” و “لهفة” .. عندما يكون البرومو أجمد من المسلسل.
-بيومي فؤاد في دور احمد مظهر في النمر الأسود .. مسخرة.
-وسط زحمة المسلسلات ، مصر فازت علي اسبانيا (3-1) وتأهلت لنهائيات الدوري العالمي للـ volley ball.
-“البيوت اسرار” مسلسل رائع اتظلم بعرضه علي قناة مشفرة.
-الأهم من غياب يسرا والهام شاهين ، عودة بوسي ونجوي ابراهيم.
-عمرو أديب لو لقي طريقة تانية غير انه يتريق علي البرامج والمسلسلات عشان المواقع تجيب سيرته او الناس تتفرج عليه في رمضان ، أكيد كان لجأ لها.
-الحياة إشترت “موجة كوميدي” بقالها 3 سنين ، معملتش فيهم برنامج واحد جديد.
-رسالة لشيرين عبدالوهاب : منه عرفة عاملة دور (ايتن عامر) وهي صغيرة.
-افيهات احمد فتحي .. الأفضل في “وش تاني” ، و افيهات محمد عبدالرحمن الأفضل في “استاذ ورئيس قسم”.
-بكل أمانة .. لولا المخرج محمد سامي بعد ربنا ، عمر طارق لطفي ولا احمد زاهر ما كانوا هايبقوا ابطال مسلسلات.
-ربنا يرحمك يا أمي ويرحم امهاتنا جميعا ويخلي أمهاتكم يارب.