"حمايتكم حق لينا".. أسامة كمال يعلن تضامنه مع الأطباء


استعرض الإعلامي أسامة كمال، خلال حلقته اليوم  من برنامج “مع أسامة  كمال”، حكاية الدكتور نجيب ميخائيل محفوظ، أحد راود الطب في مصر، وقال: “معرفش كام دكتور في مصر عمل كدة  زي دكتور نجيب محفوظ في مواجهته لـ وباء الكوليرا سنة 1902  دلوقتي مع الكورونا، يمكن واحد، ويمكن ألف.. حقيقي معرفش، لكن أسلوبه بيفكرني بالظباط اللي كانوا بيتصابوا في سينا ويصروا يرجعوا تاني سينا بأي تمن، كام طبيب مكانش في خط المواجهة الأول، فقرر يروح بنفسه أو يرجعله بنفسه”.

نرشح لك: وزارة الصحة: زودنا السعة التحليلية لمسحات كورونا

أضاف “كمال” أنه من المؤكد سيأتي الوقت الذي يحكي فيه أبناء هذا الجيل لأبنائهم في المستقبل قصص بطولات الأطباء وتضحياتهم في زمن انتشار فيروس كورونا.

وعن الأخبار المتداولة حول تكليف الأطباء قال: ” مينفعش يتقال إن آلاف الأطباء بترفضه، لأنه في لحظة ممكن يتحول لتجنيد الأطباء بدل تكليف الأطباء، ومتهيألي التوب الأبيض أو البالطو الأبيض لازم يفضل ناصع البياض مافيهوش شوائب سببها الخوف أو القلق.. المنظومة تتظبط وتمشي زي الساعة، ما فيش لا وقت ولا مجال”.

كما أعلن تضامنه مع أطباء مصر قائلا: ” أنا أسامة كمال متضامن مع أطباء مصر وممرضين وممرضات مصر وكل العاملين في المنظومة الطبية والصحية، حمايتكم حق لينا قبل ما يكون حق ليكم، وجهدكم واجب عليكم وتتشالوا على الراس”.