عمر كمال لـ شاكوش: "متشتمنيش في شارع وتصالحني في حارة"

انتقد مغني المهرجانات عمر كمال، طريقة حديث زميله مطرب المهرجانات حسن شاكوش عنه في وسائل الإعلام، قائلا: “المشكلة بيني وبين شاكوش مش مادية ولكن مشكلة أدبية، وأنا مش بحب شغل الصغار واحنا كده بنتعامل بميت وش، احنا بشكل عام بنتكلم لكن اللي في القلب في القلب وده شغل نفاق”.

نرشح لك: حسن شاكوش: عمر كمال مش حقه يسأل على إيرادات بنت الجيران

وأقر كمال في لقاء ببرنامج “شيخ الحارة والجريئة” مع المخرجة إيناس الدغيدي، بأن شاكوش لم يأخذ حقوقه في أغنية بنت الجيران وأنهما اتفقا من البداية على عدم حصوله على حقوق مادية وبالفعل لم يحصل هو كشريك في الأغنية على أجر، في جين حصل شاكوش على بعض حقوقه المادية.

ورد عمر كمال على تصريحات حسن شاكوش التي قال فيها إنه صاحب نجاح عمر كمال كمطرب، قائلا: “هو بيسعرني على أساس وأجري زاد بتعبي ومجهودي، واللي زودنا ربنا وقسم لي رزقي وانا إنسان شبعان وأنا كنت بتكلم في حقي الأدبي، وأنا قعدت فترة مش موجود وكان حسن اللي متصدر للمشهد ولما نزلت بعد شهر ونص لقيت الإعلام مترسخ عنده إن بنت الجيران بتاعة حسن شاكوش وطالبت بحقي الأدبي فقط”.

وتابع: “حسن شاكوش كلمني بعد حلقة شيخ الحارة اللي ظهر فيها واعتذر لى بس انت متشتمنيش في شارع وتصالحني في حارة”.