السيسي: "هقف قدام ربنا وأحاسبكم"
وجه الرئيس عبدالفتاح السيسي للشعب سؤالًا قائلًا: “هو أنا وعدتكم وأخلفتكم؟ هو أنا قلتلكم معايا السمن والعسل”، معلقًا: “هاتوا كل تصريحاتي اللي قلتها لما قلتلكم إحنا هنبقى مع بعض في مواجهة تحديات مصر، وقلتلكم تحدياتها كتير”.
أضاف الرئيس خلال فعاليات الندوة التثقيفية الثلاثين للقوات المسلحة بمركز المنارة الدولي للمؤتمرات، بمناسبة الاحتفال بيوم الشهيد، اليوم الأحد، أنه في كل لقاءاته يتحدث عن تحديات مصر، حتى إنهم يتسائلون: “التكرار لازمته إيه”، مجيبًا: “التكرار توثيق”.
أردف الرئيس: “اللي بيقولولك العاصمة الإدارية لازمتها إيه، طب قناة السويس لازمتها إيه وغير، اللي بيطرح الطرح ده عاوز ينغص عليك ويؤلمك”، متابعًا: “طب طالما الحلفات بتصدقوه والله والله المدن دي ما معمولة من موازنة الدولة، أنا بحلم بالله”، موضحًا أن الدولة تحول الأراضي التي لا قيمة لها لأراضي ذات قيمة مرتفعة من خلال تطويرها ويطرحونها للبيع بعد ذلك، بما فيهم العاصمة الإدارية، ومن الأموال العائدة من بيعها تُبنى البنية الأساسية للدولة.
قال الرئيس: “أنا قلت الكلام ده قبل كده لكن بتصدقوهم لما بيقولوا كلامهم، أنا ممكن أطلعلكم في التلفزيون أكلمكم كل يوم أقول ده، لكن أنا معنديش ملكات الإعلاميين، وأنا قلتلكم قبل كده أنا مش رئيس عليكم أنا واحد منكم قولتولي أمناك عليكم، ووالله لاقف أنا وانتم قدام ربنا اسألكم قدام ربنا وأحاسبكم زي ما انتوا بتحاسبوني”.
السيسي
نرشح لك: السيسي: “أنا راجل صادق وشريف وأمين قوي لأني هقابل ربنا”