باسم مرسي: الزمالك أنهى إعارتي لسموحة
محمد سلطان محمود
كشف باسم مرسي، مهاجم الزمالك المعار إلى صفوف سموحة حتى نهاية الموسم، أنه تلقى تعليمات من إدارة نادي الزمالك، بإنهاء إعارته مع الفريق السكندري، والعودة مرة أخرى إلى القاهرة.
أوضح باسم مرسي في تغريدات نشرها عبر حسابه على تويتر، قائلا: ” تلقيت اليوم اتصال من مسئول ف نادى الزمالك يطالبنى بالرجوع ، قالى بالنص “عندى ليك مفاجأة ، الزمالك عايزك ترجع و تروح نادى تانى بدل سموحة احنا الاخرنا البطاقة الدولية عشان لو كنت لعبت الماتش مكناش هنعرف نرجعك”.
نرشح لك: محمد صلاح يتسلم جائزة “محمد بن راشد”
تابع مهاجم الزمالك: “بسبب موضوع معين بقيت انا طرف فيه بدون ارادتى ، دلوقتى قدامى اختيار من اتنين الاول انى العب ف الزمالك و المدرب مش عايزنى بالف جنيه ف ست شهور.الاختيار التانى انى انتقل لفريق ترتيبه الاخير ف الدورى . هل انا بعد ما لعبت اربع مواسم ف الزمالك ، حصلنا فيهم على ٥ بطولات و احرزت ٥٣ جول ، دة يكون مصيرى من مسئولين نادى الزمالك؟”.
أضاف: ” قبل كدة انا مكنتش بطلع اتكلم ، بس الموضوع يوصل ان يتقال ان التاخير بسببى فى موضوع البطاقة الدولية و تشويه سمعتى ان دة بسبب خلاف مادى بينى و بين النادى اليونانى ف دة مش صحيح. انا عقدى اتفسخ رسمى من الاتحاد اليونانى ، لو مكنش اتفسخ رسمى مكنش يحقلى انى اتمرن مع نادى سموحة”.
باسم مرسي تحدث عن تجربته السابقة مع الدوري اليوناني، قائلا: “انا فى وقت اقامتى كاملة ف اليونان ، حصلت على ٥ الاف يورو فقط و اتنازلت عن جميع مستحقاتى للزمالك و جددت سنتين اتنازلت فيهم عن ٤ مليون جنيه عشان يوافقوا على احترافى. و عند انتقالى اعارة لسموحة جددت سنة كمان على بياض “.
كما تطرق إلى مصيره بعد انتهاء إعارته مع سموحة، مؤكدًا تمسكه بارتداء القميص الأبيض حتى نهاية الموسم، وقال: ” انا هرجع نادى الزمالك مش لو بالف جنيه لو ببلاش لان شرف ليا انى العب ف نادى الزمالك .
مكنتش حابب انى اتكلم رغم اتصال عدة برامج بيا من وقت وصولى للقاهرة لتوضيح عدة امور بمقابل مادى بس انا كنت برفض . انا حالياً بعد ما استقريت فى الاسكندرية و نقلت اسرتى و اغراضى و استأجرت محل سكن ، تم ابلاغى انى لازم الغى كل دة و ارجع حالاً يا اقعد ست شهور ف البيت”.
واختتم باسم مرسي تغريداته بتوجيه رسالة للجمهور قال فيها: “يارب الناس الكانت بتتهمنى انى مقصر طول الوقت و بعمل مشاكل تكون الصورة واضحة لهم ، انا طول الوقت بتحط ف مشاكل انا مش سبب فيها . اسف على التطويل بس كان لازم التوضيح”.
من جانبه صرح طارق يحيى المدير الفني لفريق سموحة، أنه تلقى اتصال هاتفي من باسم مرسي، أخبره فيه بقرار نادي الزمالك، مشيرًا إلى أنه ينتظر وجود خطاب رسمي من الزمالك، وأن القرار سوف يكون لمجلس إدارة نادي سموحة.
شاهد: جوائز محمد صلاح خلال عام 2018