أيمن بهجت قمر عن أغنية "النفسية": "حقي محفوظ بالقانون"

أماني حسن

علق الشاعر أيمن بهجت قمر على نجاح أغنية “النفسية” من كلماته وغناء المطرب محمد الشرنوبي، قائلًا: “عدالة إلهية.. ربنا كبير”.

رد “قمر” عبر حسابه الرسمي على موقع التواصل الاجتماعي “فيس بوك”؛ بعد طرح أغنية تحمل نفس اسم وفكرة أغنية “النفسية” وإتهامه لأصحابها بالسرقة، على أحد التعليقات التي نسبت الأمر لتوارد الأفكار قائلًا: “لا سرقة وفي إجراءات قانونية أخدتها وحقي محفوظ الحمد لله”.

نرشح لك: مسلسل “بحر”.. جديد ماجد المصري

كتب أًيضًا عبر “فيس بوك” تحت عنوان “تأملات في مجال العمل اللطيف”: طبعًا مش كلهم.. بس معظم أول ناس وقفت جنبهم في كل مرة كانوا محتاجني فيها عشان حقهم مايضيعش هما أول ناس وقفوا في وشي عشان حقي أن بعد كدا هضيع! أول ناس كنت أنا ضهر ليهم مع أول محطة يا باشا كانوا هما هما بنفسهم ضهر لغيري!”.

أضاف: “يجروا ينادوا لك إلحقنا فين العدل القانون! ولما تيجي أنت بعد كده تقول لهم طب أنا ليا حق فيه قانون يا أساتذة يقولولك ده ظلم وحسبي الله ونعم الوكيل ويحللوا لنفسهم ويعيشوا في دور المظلومين المقهورين وده لسبب واحد بس أنهم لسه شباب وفي بداية حياتهم وعلى فكرة الظالم مش مهم يبقى كبير أو مشهور ممكن تبقى لسه في بداية حياتك وتضرب بالزمالة وبالأصول وبالقوانين عرض الحائط مفيش مشكلة بس أنت نفسك هتضرب في نفس الحائط ده وابقى قابلني لو عملت حاجة في حياتك لإن ما بني على باطل فهو باطل وأنت ابتديت مشروع ويلا نفسي واخترت دور الشهيد وصدقته حتى لو دوست على الأعراف والقوانين والزمالة  أما الناس اللي أنا بعنيها بالكلام الفاضي ده.. بقول لهم الرجال مواقف مش كلام وأنا بالمواقف بينت أمارات كتير وعمري ما استنيت منكوا حاجة في المقابل بس إنتوا خلاص فقدتوا قدر كبير أوي من احترامي ليكوا وفهمت انكوا حافظين مش فاهمين لأ ومعندكوش ضمير على فكره بس عموما محدش بيتعلم ببلاش ويلا نفسي يا باشا بعد كده ووهم التضحيات والمواقف البطولية فوقنا منه وخليني أوفر كلامي وطاقتي لشغلي ولنفسي وعيلتي وللناس اللي بتقدر وبس وأنت ساند ونظَّر وادعم..  وألف شكر يا أولاد الأصول”.

الأغنية من كلمات أيمن بهجت قمر وتوزيع إلهامى دهيمة وألحان محمد يحيى، واستطاعت أن تحقق نجاحا كبيرا فور طرحها أمس السبت على “يوتيوب” وعلى مواقع السوشيال ميديا.

شاهد: لقطات من حفل زفاف الفنانة شيماء سيف والمنتج محمد كارتر