عبد الله غلوش يكتب: غلوشيات رمضانية (16)
– من 4 أيام مش من النهاردة ، لو بطلت تتفرج على كل المسلسلات اللي بتتعرض بإستثناء مسلسلين أو ثلاثة، ورجعت تشوفها مرة ثانية أخر يومين في رمضان، صدقني مش هايفوتك أي حاجة.
– أبو عمر المصري .. الظهور الأول لـ صبري فواز وأحمد العوضي.
– أبو عمر المصري .. أفضل دقون بوستيج في الدراما من فترة طويلة.
– أبو عمر المصري .. عجبني سرعة بديهة أحمد عز لما السبحة وقعت من صبري فواز وعالج الموقف وكملوا المشهد عادي من غير ما يعملوا stop.
– تقريبا ده أجمل إعلان أشوفه لـ “مصر للطيران” طول حياتي.
– كلبش .. أشرف زكي .. حالة الوفاة رقم 88 في المسلسل.
– كلبش .. أنسى انه ابن أحمد زكي خالص، هتكتشف ان هيثم واحد من أهم وأفضل الممثلين في شهر رمضان السنة دي.
– كلبش .. ميران عبد الوارث صاحبة روجينا في المسلسل، رغم إن دورها مش صعب بس وشها مريح يخليك تحب تتفرج على المشاهد اللي بتظهر فيها.
– الفرق بين هاجر أحمد (نسر الصعيد) وهاجر أحمد ( الرحلة) .. مخرج.
– عشان نبقى فاهمين بس، دلوقتى أحسن رئيس تحرير في مصر، عادل إمام ( عوالم خفية) ولا حازم سمير (ممنوع الإقتراب أو التصوير)؟
– طايع .. لليوم التالت ع التوالي المسلسل في صعود مستمر.
– طايع .. سهير المرشدي ممثلة عظيمة من زمان، مش لسه النهاردة هنبدأ نقول عنها كده.
– طايع .. بوفاة أحمد داش في حلقة الأمس، المسلسل هايفقد جزء مش قليل من جمهوره.
– لو مي سليم كانت اتعلمت من الصور والفيديوهات اللي اتسربولها في بداية مسلسل (الرحلة)، مكنش النهاردة اتسرب لها فيديو جديد وهي بتخون جوزها مع صاحبه (عوالم خفية)
– مصر وكولومبيا .. لو صلاح هايلعب من بداية المونديال هنكون من مفاجآت البطولة، لو لا قدر الله ملعبش مجدي عبد الغني هايفضل يذلنا.
– مصر وكولومبيا .. حزين على المستوى اللي وصله رمضان صبحي.
– مصر وكولومبيا .. سام مرسي أحسن من عمرو السولية ومحمود عبدالعزيز في ايه؟
– مصر وكولومبيا ..أحمد حجازي تاني أهم لاعب في مصر بعد محمد صلاح.
– إعلان we .. المعنى الحرفي لجملة إهدار مال عام.
– رحيم .. أول مشهد over act لطارق عبدالعزيز من بداية رمضان.
– رحيم .. أول مشهد حقيقي مش over act لـ دنيا عبدالعزيز من بداية رمضان.
– فوق السحاب .. عصفورة مرتضى منصور .. أهم مشهد في حلقة النهاردة.
– فوق السحاب .. تخيل واحد من المافيا وحط تحت المافيا دي خط والنبي، المهم أنه فضل يجري ورا هاني سلامة بتاع خمس دقايق مثلا واول ما خد بوكس في بطنه وقع واغمى عليه.
– فوق السحاب .. سؤال طرحته في بداية رمضان وللاسف عجزت عن ايجاد حل له حتى الآن المنتج محمد محمود عبدالعزيز بيمثل ليه؟ بجد بيمثل ليه؟
– فوق السحاب .. الحقيقة أول مرة أشوف واحدة شغالة عند ناس، بتفتح أغاني الليثي بعد نص الليل وتقعد ترقص عليها مع نفسها.
– نسر الصعيد .. اللي عاملة دور ميريت .. درست تمثيل فين؟ مين اللي رشحها للدور؟ مين اللي اقنعها بفكرة التمثيل أصلا؟ .. طب هو المخرج مكنش بيعيد مشاهد لما بيلاقها وحشه؟
– نسر الصعيد .. باسل الزارو.. كل ما سبق.
– نسر الصعيد .. حتى وهو ظابط، يأبى محمد رمضان انه يعدي عليه مسلسل من غير ما يتسجن.
– نسر الصعيد .. عملا بمقولة في مني نسخة واحدة كلهم بيقلدوها .. محمد رمضان ولأول مرة في تاريخ الدراما يعيد أكتر من ١٠ مشاهد من حلقة امبارح في بداية حلقة النهاردة.
– على مسئوليتي .. لو القنوات السعودية معرضتش ماتشات كأس العالم مجانا، أحمد موسى هايعتذر لمشاهديه أو صدى البلد هاتحوله للتحقيق بتهمة نشر أخبار خطأ .. أشك.
– في نفس اليوم أحمد عز علم ابنه ضرب النار (أبو عمر المصري) ورشدي الشامي علم بنته ضرب النار (طايع).
– الـ countdown الخاص بموعد أذان الفجر .. من الحسنات القليلة لقناة النهار السنة دي.
– ليالي أوجيني .. ظافر عابدين أدى المنديل بتاعه مرة تانية لأمينة خليل .. الحدث الأبرز في حلقة اليوم.
– بالحجم العائلي .. مراد مكرم أجمل ما في حلقة اليوم.
– بالحجم العائلي .. بدون زعل، بس إنجليزي يحيى الفخراني مش انجليزي سفير سابق ولا انجليزي صاحب أوتيل وقرية سياحية.
– بالحجم العائلي .. لما تعمل مشهد كامل عن لون روج سمر مرسى وتتك جامد ع اللون، مينفعش في المشهد اللي بعده يبقى في راكور في لون الروج تحديدا.
– الصحة بتتعالج والعيال نجيب غيرهم، لكن تحويشة العمر دي نعوضها ازاي .. هشام اسماعيل “رسايل”.
نجوم الأسبوع الثاني في رمضان..
أفضل قناة:
– دي إم سي
– سي بي سي
– on E
– الحياة
– ام بي سي مصر
أفضل مسلسل:
– أبو عمر المصري
– الرحلة
– كلبش
– ليالي أوجيني
– رحيم
أفضل مسلسل كوميدي:
– الوصية
– سك على إخواتك
– بالحجم العائلي
– خفة يد
– ربع رومي
أفضل مخرج:
– أحمد خالد موسى (أبو عمر المصري)
– هاني خليفة (ليالي أوجيني)
– بيتر ميمي (كلبش)
– حسام علي (الرحلة)
– أحمد مدحت (اختفاء)
أفضل سيناريست:
– مريم نعوم (أبو عمر المصري)
– نور شيشكلي (قصة).. عمرو الدالي، أحمد وائل (سيناريو) (الرحلة)
– باهر دويدار (كلبش)
– محمد سيد بشير (أيوب)
– محمد سليمان عبد المالك (رسايل)
أفضل ممثل:
– باسل الخياط (الرحلة)
– فتحي عبد الوهاب (أبو عمر المصري)
– هيثم أحمد ذكي (كلبش)
– أحمد عز (أبو عمر المصري)
– محمد رياض (رحيم)
أفضل ممثلة:
– ريهام عبدالغفور (الرحلة)
– صبا مبارك (طايع)
– أمينة خليل (ليالي أوجيني)
– أروى جودة (أبو عمر المصري)
– أيتن عامر (أيوب)
أفضل وجوه شبابية :
– أحمد داش (طايع)
– عمرو وهبة (كلبش)
– توني ماهر (رحيم + فوق السحاب)
– خالد أنور (عوالم خفية)
– محمد جمعة (الوصية + أبو عمر المصري+ ضد مجهول)
– إسلام جمال (الرحلة)
– ميرنا جميل (ربع رومي + خفة يد)
– سارة الشامي (رحيم)
أفضل محطة راديو :
– الراديو ٩٠٩٠
– نجوم fm
– DRN
– راديو النيل
– إنرجي
أفضل إعلان:
– حديد الجارحي
– بهية
– بنك مصر العسيلي ومحمد عدوية
– 500 500 أحمد زكي
– فودافون
أفضل تتر:
– عبده سليم (أيوب)
– أنغام (ممنوع الإقتراب أو التصوير)
– حسين الجسمي (أبو عمر المصري)
– إليسا (ضد مجهول)
– ياسمين على (أمر واقع)
أفضل موسيقى تصويرية:
– ساري هاني (أبو عمر المصري)
أفضل ديكور:
– يحيى علام (ليالي أوجيني)
أفضل مصمم ملابس:
– ياسمين القاضي (ليالي أوجيني)
– ربنا يرحمك يا أمي ويرحم أمهاتنا جميعا ويحفظ أمهاتكم يارب.