عبد الله غلوش يكتب: غلوشيات رمضانية (8)
– صدق أو لا تصدق، بيتعرض يوميًا على قنواتنا أكتر من 20 مسلسل، وتريند رقم 1 على google النهارده داخل مصر، مسلسل تركي غير مدبلج اسمه “قيامة أرطغرل”.
– كلبش.. حلقة للتاريخ.
– كلبش.. بقى عندنا مخرج مهم اسمه بيتر ميمي.
– كلبش.. مشهد محمد حلاوة ومحمود البزاوي.. أصدق ما تناولته الدراما عن وزارة الداخلية حتى الآن.
– كلبش.. أحمد جمال سعيد ممثل مهم خسره المسلسل بدري.
– حقيقة.. ٩٠٪ من اللي بيتفرجوا ع مسلسل “عوالم خفية” ومعجبين بيه صحفيين.
– ضد مجهول.. حنان مطاوع تضرب من جديد بصوت voice over قناة on سبورت.
– طايع.. يا ريت حد يبلغ صبا مبارك، أنها مش محتاجة تبعت بيانات صحفية تقول فيها إنها من أفضل الممثلات في رمضان، لأنها فعلا من أفضل الممثلات في رمضان السنة دي.
– بعد أول أسبوع من رمضان، بمنتهى الأمانة on كانت عندها حق لما اختارت المسلسلات اللي بتعرضها على حساب مسلسلي لدينا أقوال أخري وأرض النفاق.
– فوق السحاب.. المسلسل المفروض أكشن وصاصبينس، لكن بيضحكني أكتر من كل المسلسلات الكوميدية اللي بتتعرض السنة دي.
– فوق السحاب.. من كتر مشاهد السلو موشن في المسلسل بقيت أحس وانا بشوفه إني بتفرج على ماتش في الدوري.
– فوق السحاب.. المسلسل بيضم أكتر كم من المشاهد الساذجة في تاريخ الدراما المصرية، آخرها مشهد إلحقيني يا ماما مش عارف أعمل حاجة في ليلة الدخلة.
– بالحجم العائلي.. مش فاهم إزاي عمرو صالح معملش أدوار كوميدي من زمان.
– دياب دخل مصطفى شعبان السجن بقضية وصولات أمانه (أيوب)، وهو شخصيًا دخل السجن بقضية وصولات أمانه (ضد مجهول).
– رحيم.. ملخص السبع حلقات اللي فاتت، في حلقة واحدة.
– رحيم.. أومال، سبب كافي عشان نعرف إن سامي مغاوري بيجسد شخصية فريد الديب في المسلسل.
– رحيم .. كمية الناس اللي مشاركين في المسلسل مجاملة غير طبيعي.. مرات إيهاب فهمي ومساعد سامي مغاوري مثال بسيط.
– رحيم.. دينا جالها فرص كتير تبقى ممثلة كبيرة، ومعرفتش تستغل ولا واحدة فيهم.
– باستثناء ليالي أوجيني.. الكومبارس والمجاميع نقطة ضعف واضحة في جميع المسلسلات.
– ليالي أوجيني.. أجمل ما في المسلسل شوارع بورسعيد.
– ليالي أوجيني.. عن الاهتمام بالتفاصيل مهما كانت صغيرة، حتى الحقنة متفهمش جابوها قديمة منين.
– رسايل.. من المسلسلات النادرة السنة دي اللي صعب تلاقي فيها غلطات، يمكن لأنه المسلسل الوحيد تقريبًا اللي انتهى تصويره قبل رمضان.
– اختفاء.. مشهد هروب نيللي من شقة نسيمة، بالظابط، بالبواب، بأنعام سالوسة، بجملة حافظ رقم البوليس ولا لأ؟ بسلطاته ببابا غنوجه، عيب يطلع من مخرج كبير في حجم أحمد مدحت.
– اختفاء.. هما شالوا مشاهد بسمة من المسلسل ولا ايه؟
– قانون عمر.. أفضل حلقات المسلسل حتى الآن.
– نسر الصعيد.. هو احنا عملنا إيه في مدام مها أبو عوف عشان تبلينا بولادها التلاته في المسلسل دول؟
– نسر الصعيد.. آسر البدراوي وهاجر أحمد بيتفرجوا علة ماتش بين برشلونة وريال سوسيداد.. الصوت جول لميسي والصورة لداني ألفيس وهو بيلعب أوت.
– نسر الصعيد.. البنت اللي ماتت بتشتغل خدامه ومقتوله ومسحول بيها أرض قنا، وعامله بادكير ومناكير وفرينش في ضوافر رجليها عادي.
– نسر الصعيد.. أول حلقة محمد رمضان ميظهرش فيها topless.
– لدينا أقوال أخرى.. صدمتي في المخرج محمد علي أكبر من يسرا.. إيقاع ممل وقصة اتهرست مليون مرة قبل أخرها أخرها الكابوس اللي عملتها غادة عبدالرازق من 3 سنين.
– أبو عمر المصري.. أكتر عدد ماستر سيين في كل مسلسلات رمضان الحالي.
– أبو عمر المصري.. تقريبًا أحسن حاجة يعملها منذر رياحنة من فيلم المصلحة.
– سواء في أبو عمر المصري أو عوالم خفية، محمود حجازي من مكاسب رمضان السنة دي.
– مش مستغرب إن 95% من الممثلين اللي عاملين دور ضابط طالعين بشنب، لكن مستعجب إن قيادتهم كلها طالعين من غير شنب.
نجوم الأسبوع الأول في رمضان..
أفضل قناة:
– دي إم سي
– سي بي سي
– الحياة
– ام بي سي مصر
– On e
أفضل مسلسل:
– ليالي أوجيني
– الرحلة
– أيوب
– ابوعمر المصري
– رسايل
أفضل مسلسل كوميدي:
– سك على إخواتك
– ربع رومي
– الوصية
– خفة يد
– عزمي وأشجان
أفضل مخرج:
– هاني خليفة (ليالي أوجيني)
– أحمد خالد موسى (أبو عمر المصري)
– حسام علي (الرحلة)
– بيتر ميمي (كلبش)
– أحمد مدحت (اختفاء)
افضل سيناريست:
– محمد سيد بشير (أيوب)
– نور شيشكلي (قصة).. عمرو الدالي، أحمد وائل (سيناريو) (الرحلة)
– أيمن مدحت (اختفاء)
– محمد سليمان عبدالمالك (رسايل)
– محمد رجاء (بالحجم العائلي)
أفضل ممثل:
– باسل الخياط (الرحلة)
– فتحي عبدالوهاب (أبو عمر المصري)
– يحيى الفخراني (بالحجم العائلي)
– دياب (أيوب)
– طارق عبدالعزيز (رحيم)
أفضل ممثلة:
– ريهام عبدالغفور (الرحلة)
– أمينة خليل (ليالي اوجيني)
– صبا مبارك (طايع)
– روجينا (ضد مجهول)
– أيتن عامر (أيوب)
أفضل وجوه جديدة:
– ميرنا نور الدين (فوق السحاب)
– معتز هشام (أبو عمر المصري)
– عائشة بن أحمد (نسر الصعيد)
– ميرنا جميل (ربع رومي)
– ديانا (بالحجم العائلي)
أفضل محطة راديو :
– الراديو ٩٠٩٠
– نجوم fm
– DRN
– راديو النيل
– إنرجي
أفضل إعلان:
– حديد الجارحي
– بهية
– بنك مصر العسيلي ومحمد عدوية
– فودافون
– مستشفى القلب مجدي يعقوب
أفضل تتر:
– عبده سليم (أيوب)
– أنغام (ممنوع الاقتراب أو التصوير)
– لؤي (ربع رومي)
– حسين الجاسمي (أبو عمر المصري)
– إليسا (ضد مجهول)
أفضل موسيقى تصويرية:
– ساري هاني ” أبو عمر المصري”
أفضل ديكور:
– يحيى علام (ليالي اوجيني)
أفضل مصمم ملابس:
– ياسمين القاضي (ليالي أوجيني)
– اللي بيعفر برجليه بتيجي على راسه.. صبحي خليل “كلبش”
– الترامدول في البلد دي بقى عملة أقوى من الدولار.. هشام إسماعيل “رسايل”.
– طول ما أنتم بتعملوا الحاجة وفاكرين إن محدش ها يعرف، هتفضلوا تطلعوا من مصيبة تدخلوا في مصيبة أكبر.. عمرو وهبه “كلبش”.
– مهما الدنيا تاخدك وتنسيك كل حاجة، في حاجات مينفعش تتنسي ، عشان دي الحاجات اللي اتخلقنا أصلا عشان نهتم بيها.. مي عزالدين “رسايل”.
– الحقيقة تظل الحقيقة مهما ثقل وقعها عليك مهما تتجاهلها أو حاولت التكيف معها، لا يخفت صوتها أو حتى ألمها.. ظافر عابدين ” ليالي أوجيني”.
– ربنا يرحمك يا أمي ويرحم أمهاتنا جميعا ويحفظ أمهاتكم يارب.