محمد ناصر يوجه إهانات لعادل إمام ونجمات لبنان
سخر الإعلامي محمد ناصر مقدم برنامج “من مصر” على قناه “مصر الآن” من تفجير أبراج الكهرباء بمدينة الإنتاج الأعلامى وأعرب عن دهشته من معرفة مفجريين للأبراج المغذية للكهرباء الداخلة لمدينة الإنتاج الإعلامي تحديداً وأكد ناصر أن مهمة المدينة هو إذاعة أغانى اللبنانيات فقط: “الداخلية مش عرفة تأمن أبراج الكهرباء اللى داخلة مدينة الإنتاج .. مين ابن الناصح اللى دارس كهرباء وميكانيكا وطاقة وعارف ان البرج ده تحديداُ هو اللى لو سقط توقع المدينة قال ايه العقاب الثورى ده فى المشمش ده حازم صلاح أبو إسماعيل ميعرفش يعملها. هل مصادفة ان واحد يختار البرج ده ويوقعه عشان عارف انه داخل المدينة هو أيه مهمة مدينة الانتاج الإعلامي غير إذاعة إبداعات الفنانة المتألقة مريام فارس وزميلاتها الأفاضل خصوصاَ اللبنانيات يؤبر قلبى عليكم يا بنات لبنان بس انا مش بعرف اتكلم لبنانى قوى عشان اتكلم لبنانى لازم أقلع حاجات كتير قوى.. المهم عايزين الداخلية تنشغل عن تأمين الثروة اللبنانية ..ديه المدينة اتعملت عشان ميريام فارس وأخواتها “.
كما هاجم ناصر زيارة رئيس الوزراء إبراهيم محلب للمدينة مؤكداُ انها لا فائدة لها وقال: “محلب تانى يوم راح خد وزير الداخلية واتفرج على تصوير مسلسل عادل إمام أصل عادل إمام ده العرض الكبير واثناء هو هناك فى المدينة البرج التالت اضرب.. ده تقريباً واحد ماشي وراه بولاعة كل ما يمشي يفجر”.
وسخر ناصر من تصريحات وزير الداخلية وقال: “فى تصريحات بتطلع من الداخلية لوز العنب وزير الداخلية بيقول الأمن مستتب وفيه قلة ممكن تعمل التفجيرات ديه فى اى وقت بس ده عادى .. ده مش معناه ان حد يقلق وده بيفكرنى بتصريح للواء سامح سيف اليزل قال كلما نجح السيسي كلما زادت التفجيرات والمفروض ان كلما نجح السيسي قلة التفجيرات أو كلما فشل السيسي زادت التفجيرات بس هو بيحاول يطمن المغفلين” .
اقرأ أيضًا:
شريف عامر: أنا ما أعملش حلقة عن المرور لو رخصتي اتسحبت
للمرة الثانية ريهام سعيد تنسحب على الهواء
خالد صلاح يتحدث من مدينة الظلام
“الكهرباء” تُخرج القرموطي إلي “فاصل إجباري”
ابن لمياء حمدين يكسر استوديو “ست الحسن”
“صدى البلد” تعرض فيديو لحرب أوكرانيا على أنه “تفجير أبراج الإنتاج الإعلامي”
محلب يلتقي عادل إمام بميدان تحرير مدينة الإنتاج
النيل للرياضة: لا نعلم شيئاً عن عدم بث مباراة الأهلي والأسيوطي
رئيس قناة الدلتا: دورنا دعم قرارات الدولة
“الكهرباء”: إصلاح أبراج “الإنتاج الإعلامي” لن يقل عن أسبوع