الفرق بين أسعار الفوانيس المصري والصيني

وجهت الإعلامية أسماء مصطفى مقدمة برنامج “هذا الصباح” المذاع على شاشة Extra news الدعوة للجمهور لشراء الفوانيس المصرية بدلا من المستوردة.

وقالت “أسماء” من خلال خدمة البث المباشر “اللايف” على صفحتها الرسمية بموقع التواصل الاجتماعي “فيس بوك”: “الناس لازم تنزل تشتري فانوس واللي عندهم ولاد يفرحوهم، كنت قلقانة من الفوانيس المستوردة بس الفانوس المصري الخشب لسه بيثبت نفسه”.

وأوضحت أن الفوانيس المستوردة تعتبر “لعبة” حيث لا تأخذ أشكالها نفس أشكال الفوانيس التي اعتدنا عليها، وتابعت “ده الصيني اللي موجود وأسعاره غالية، أنا معايا فانوس مو صلاح مصري وشغل دمياطي وبيقول أهلا رمضان وعليه ألوان علم مصر ده اللي أنا هجيبه”.

نرشح لك: محافظ الغربية ينفي نية أسرة “صلاح” بمغادرة “نجريج”

وعن أسعار الفوانيس قال “يوسف” و”رامي” من العاملين بمجال التسويق “الماركيتينج” إن الفانوس المصري يُصنع من الخشب وتبدأ أسعاره من 55 جنيه حتى 270 جنيه، ومقارنة بالفانوس الصيني فإن المصري عمره أطول وخامته أرقي لأن الصيني تبدأ أسعاره من 75 جنيه.

واستعرضت “مصطفى” أشكال الفوانيس المصرية وظهر من خلال الفيديو أشكال الفوانيس المختلفة والتي تحمل علم مصر وشعارات الأهلي والزمالك وصور محمد صلاح وأشكال الذكريات القديمة كبوجي وطمطم، واختتمت أسماء اللايف قائلة: “الصيني لعب أطفال ده مبقاش فانوس بقى لعبة لكن أنا عايزة ولادي يمسكوا فوانيس مصرية” مؤكدة على ضرورة تشجيع المنتج الدمياطي الجديد.