انتقادات لـ شادي سرور بسبب إعلان "مُريب" عن مصوِّر - E3lam.Com
تعرَّض اليوتيوبر المصري الشهير شادي سرور ، إلى انتقادات حادة من رواد مواقع التواصل الاجتماعي، عقب إعلانه عن حاجته لمصوِّر شاب، ليكون المصوَّر الدائم له ولكل أعماله.
الانتقادات كانت بسبب الشروط التي أعلنها، حيث اعتبرها البعض “غريبة ومريبة”، حيث أوضح “سرور” أنه يشترط في من يتقدم لهذه الوظيفة أن يتفرغ له بشكل كامل “لأنه هيسيب حياته كلها وهيعيش ويشتغل معايا أنا بس.. بيعرف يصور فيديو وصورة محترف، ويكون ما بين عمر ١٩ لـ٢٤ سنة”، على حد قوله.
نرشح لك: بلوك من ريم البارودي لسما المصري.. والسبب ريهام سعيد
تابع: “ويبقي أصيل ومحترم ويعرف الأصول وعينيه مليانه لأني هتبنى موهبته وهيعيش وهيسافر معاية وهعامله كأخ ليا، ويكون حابب الشغلانه ومش هيشتغل عشان فلوس بل للنجاح والتفوق”.
أما فيما يخص مميزات هذه الوظيفة، فأوضح أنها تتمثل في مرتب شهري مبدئي بقية ٢٥٠ دولار، وسيزيد مع زيادة راتب “سرور” الشخصي، موضحًا أنه من المتوقع أن يصل الراتب إلى ١٠٠٠ دولار شهريًا مع نهاية العام.
أضاف كاتبًا: “هكون مسئول عن أكله وشربه، ومسكنه ومتطلباته اللي هشتريه لنفسي هشتريه ليه، هوفر له كل الامكانيات للتصوير المحترف، وهيكتسب الشهرة لحساباته علي مواقع التواصل، وهيبقي طول الوقت معايا وهيبقي زميل العمل لحلم الوصول للعالمية كأكبر صانع فيديوهات في العالم كله”.
اختتم “سرور” حديثه كاتبًا: “تخيل اتنين مش بيعملوا حاجة في حياتهم غير شغل ممكن يوصلوا لايه؟، مشددًا على ضرورة إرسال البيانات الشخصية والأعمال السابقة لإثبات موهبته، والحالة الاجتماعية كعمل الأب ومكان السكن، قائلاً: “الاتفاق بعقد حتي ثبوت النية الداخلية، لأن صعب تلاقي إنسان كويس في الزمن ده”.
