عبد الله غلوش يكتب: غلوشيات رمضانية (17)
– اعلان اتصالات .. اعلان صريح ان محمد رمضان أشهر من الشركة.
– اعلان اتصالات .. اعلان صريح ان اعلان حماقي وأصالة فشل.
– اعلان اتصالات .. المفروض محمد رمضان يدفع فلوس للشركة مش ياخد منها فلوس.
– اعلان اتصالات .. الفكرة حلوة، لكن طويلة وكانت ممكن تتنفذ أحسن من كده.
– اعلان اتصالات .. اول اعلان لاتصالات بدون voice over طارق نور في اخر سنتين.
– اعلان اتصالات .. على اخر الزمن بقي حبيشه والالماني ورفاعي الدسوقي هما اقوى ناس في مصر.
– اعلان اتصالات .. تفتكر لو كان اتعرض علي السقا أو كريم عبد العزيز يعملوا اعلان زي ده، كان ممكن يوافقوا؟
– اللي اتكلم عن براعه اداء محمد ممدوح وهو بيفتكر أخوه “لا تطفئ الشمس” ، أكيد ماتفرجش علي تعبيرات وش أحمد داوود وهو بيشوف الفيلم الجنسي بتاع حبيبته على اللاب توب “هذا المساء”.
– دينا “الحرباية” .. إيمان العاصي “الحساب يجمع” .. شيرين رضا “لا تطفئ الشمس” .. هند صبري “حلاوة الدنيا” .. أبرز نجمات الحشيش في رمضان.
– قليلين اللي هياخدوا بالهم في نهاية اعلان “أول مرة” لفودافون ، ان الفنانين اللي مشاركين في الاعلانات اتبرعوا بأجرهم لتصحيح بصر عدد كبير من الحالات الحرجة.
– الفرق بين ياسمين صبري “الحصان الأسود” وياسمين صبري “الأسطورة” وياسمين صبري “طريقي” .. اسم الشخصيات فقط.
– أحمد مالك طلع لسه عايش “لا تطفئ الشمس” ، روايح طلعت أم الطبيب “كفر دلهاب” ، ومحمد فراج طلع هو اللي قتل صبري فواز “الحصان الأسود”.
– الحلال .. هو لما سمية الخشاب تعمل زار كل يوم تضيع بيه 10 دقايق من كل حلقة ، انا كمشاهد استفدت ايه؟
– لمعي القط .. اول رمضان كان فيه من حنفي الابهة ، بقاله ٣ حلقات كارف على باب الوزير.
– لمعي القط .. لقاء الخميسي في دور لميس الحديدي مسخرة.
شاهد الحلقة السابعة عشر من المسلسل الرومانسي الكوميدي (الحب الحب)
– اعلان تكييف ميديا ايجيبت بتاع الحرامي والضابط من أجمد الاعلانات اللي اتعملت السنة دي.
– من النهارده تقدر تتفرج علي الحصان الأسود ، زي أي مسلسل عادي بدون تركيز وبأعصاب هادية.
– سواء في “الحصان الأسود” أو “هذا المساء” .. محمد فراج بتاع زمان رجع تاني.
– الزيبق ، بصراحة المسلسل من الحلقة 14 بدأ يحلو.
– حلاوة الدنيا ، كلبش ، الحالة ج ، عشم ابليس .. بدون حدث واحد جديد.
– لأعلي سعر .. مهما شارك في افلام ومسلسلات، لغاية النهاردة لسه نبيل الحلفاوي مرتبط عند جيل كامل من الشباب بصباع العسلية بتاع ” الطريق إلي إيلات”.
– ظل الرئيس .. اتحدى أي منتج أو مخرج بيرشح أشرف زكي للمشاركة في بطولة أي فيلم أو مسلسل ، لأي سبب تاني غير انه نقيب الممثلين.
– ندى موسى مفيش حلقة بتعدي عليها من “اللهم اني صايم” أو “الحساب يجمع” من غير ما تعيط.
– كفر دلهاب .. المسلسل الوحيد اللي معتز مطر يشكر فيه كل يوم.
– حنان مطاوع قضت شهر العسل بتاعها في بيتها “هذا المساء” ، وغادة عبدالرازق بتقضيه في باريس “أرض جو”.
– دنيا عبد العزيز طلبت الطلاق من محمود عبدالمغني “ظل الرئيس” وسارة سلامة طلبت الطلاق من محمد حاتم “لأعلي سعر” ، والاتنين رافضين يطلقوا.
– اياد نصار باس حنان مطاوع في قورتها .. عادل إمام باس غادة عادل في خدها ، أحمد حاتم باس سلمى أبوضيف في قفاها.
– الضعيف لما يلاقي نفسه مزنوق في دايره بيبقي يا قاتل يا مقتول وممكن تتوقع منه أي حاجة .. مجدي فكري “وضع أمني”.
– البنات كلهم بيحبوا النكد زي عينيهم .. أحمد مكي “خلصانة بشياكة”.
– كل يوم جديد يعتبر فرصة تانية عشان مش بس تعمل حاجات صح في اليوم الجديد، لكن كمان عشان تنظف بلاوي اليوم القديم.. باسل خياط ” 30 يوم”.
– انتي غير كل الستات لأنك الوحيدة اللي اتجوزتها خالد النبوي “واحة الغروب”.
– ربنا يرحمك يا أمي ويرحم امهاتنا جميعًا ويخلي امهاتكم يارب.
نرشح لك : عبد الله غلوش يكتب: غلوشيات رمضانية (16)