مخرج الأسطورة عن ياسمين ونسرين: مش طايقهم!
هاجم محمد سامي، مخرج مسلسل الأسطورة، الفنانة نسرين أمين، بسبب اتهامها له بحذف بعض مشاهدها من المسلسل لصالح زوجته الفنانة الشابة مي عمر، قائلًا: “لو محتاج أزود لمي مش لازم أشيل من أدوار الأخرين، أنا أقدر أزودلها ومفيش رقيب عليا.. ومن غير ما أشيل من مشاهد حد”.
نرشح لك: تعرف على الدور الذي كتبه محمد رمضان في “الأسطورة”
وعن حذفه بعض مشاهد نسرين أمين في مرحلة المونتاج، علق “سامي”، قائلًا: “كذابة.. مستحيل ومحصلش، دي كانت شغالة 4 مسلسلات في رمضان وكانت بتضرب الأوردر وبتدخل المشهد عايزة تعمل مشاكل علشان تستفيد.. كنت حاسس إني بصور يسرا وهي خطها دور خامس أو سادس في المسلسل”.
وأضاف في مداخلة هاتفية مع الإعلامية رشا نبيل ببرنامج “كلام تاني”، المذاع عبر شاشة “دريم”: “أنا مش هوصل للأخر أني يتقال عليا بتخانق مع نسرين أمين، فاضطريت اعمل نفسي مش شايفها، ولو دورها كان حد تاني عمله كان استفاد جدًا، بس هي مركزتش، والموهبة بلا تركيز تساوي صفر”.
وتابع موجهًا حديثه للشابة ياسمين صبري: “واحدة ماضية 20 مشهد مش مركزة وكل تركيزها هي مي عمر وريم مصطفى لبسوا إيه، الكلام ده لا يصنع نجوم”.
وواصل: “ياسمين صبري كانت بتصور معايا وفي مشهد الفينال قالتلي مش عاجبني وشايفاه مش يناسبني ومش هصوره، فقولتلها إن شاء الله ما عجبك وإن شاء الله ما صورتيه، امشي روحي ووجودك من عدمه مش هينقذ المسلسل، ولما اختارتها كنت عايز بنت موديل حلوة وكنت هجيب لبنانية”.
واستطرد: “لما عملت أحمد مالك بطل مكنتش متجوزه، ولو هما عندهم كرامة ومعترضين على أدوارهم وشايفانها صغيرة كانوا اعتذروا عنها، وأخلاقهم مش هلوم عليهم فيها، لأني مش أنا اللي مربيهم، أنا كنت بعدل عليهم وأنا مش طايقهم”.
نرشح لك
[ads1]
هذا ما فعلته C.A.T في عامها الأول
ايهما أفضل فيلم “كابتن مصر” ام فيلم “جحيم في الهند” ؟ اضغط هنـــا
