عبد الله غلوش يكتب : غلوشيات رمضانية 1
– اوله رحمه.
– 40 علي الأقل “القيصر” ، 3 في “الخروج” ، 2 “سقوط حر” ، 2 “فوق مستوي الشبهات” ، 2 “يونس ولد فضة” ، 1 “شهادة ميلاد” ، 1 ” 7 أرواح” ،.. حصيلة قتلي وضحايا اليوم الأول من رمضان.
– في يوم واحد ، الوجه الجديد رانيا منصور .. قتلت في “الخروج” واتقتلت في ” 7 أرواح”.
– ماتنتظرش ليلة القدر عشان تدعي ربنا يرحمنا من احمد موسي علي الشاشة .. ابدا من اليوم.
– فكرة الاقتناع بأن المفروض نجيب ontv عشان نتفرج فيها علي مسلسل ، لسه محتاجة وقت.
نرشح لك: مواعيد عرض مسلسل القيصر
– تقريبا “سمرقند” هو المسلسل الوحيد اللي مرشح ياخد جايزة غادة والي للمسلسلات الخالية من المخدرات والتدخين.
– اوبشن الشير التلقائي لاخر 9 صور علي موبايلك ، اللي بدأ الفيسبوك في تفعيلها من امبارح ، هاتكون سبب في خراب بيوت كتير.
– اعلان فودافون .. محدش يقدر ينكر انه اعلان جامد وجمع نجوم صعب يجتمعوا في مسلسل مش اعلان.
– اعلان فودافون .. مش دايما الزحمة وفرد العضلات بتجيب نتائج حلوة .. لو اكتفوا بنص النجوم اللي ظهروا كان هايبقي احلي.
– اعلان فودافون .. مستحيل صوت اللي غنت في الاخر دي ، هو صوت شيرين عبدالوهاب.
– اعلان فودافون .. مش عارف ليه ضحكت لما سمعت شيرين بتقول فودافووو في اخر الاعلان.
– اعلان فودافون .. عندي اقتناع من فترة طويلة ان درة واخده اكتر من حقها كممثلة ، وفودافون زودت قناعتي دي.
نرشح لك: شاهد..11 نجما ً في إعلان فودافون
– “ساق البامبو” الكويتي ، و”نص يوم” اللبناني .. افضل بمراحل من مسلسلات كتير بتتعرض عندنا.
– كوبا امريكا .. بطولة مملة اكتر من ماتشات اندية المنطقة الدافئة في الدوري بتاعنا.
– نيللي وشيريهان .. بكيزة وزغلول نسخة 2016.
– نيللي وشيريهان .. ايمي طالعه بدورها في زنقه ستات ودنيا متقمصة شخصية البنت الـ cool اللي عملتها في طير انت.
– ريأكشن نيللي كريم وأمها بتسألها ليه قتلتي اختك وجوزها ، كورس في التمثيل.
– هي ليه الدوله مصدره دايما الراجل مختار جمعة وزير الاوقاف ده ، وسايبه الرجل المحترم شوقي علام مفتي الجمهوريه مايظهرش غير من السنة للسنة في ليلة الرؤية بس .
– برنامج “الصدمة” 6 ونص علي mbc مصر 2 .. من اجمل البرامج اللي ممكن تشوفها في حياتك.
– ونوس .. اختيار توقيت الساعة 7 لعرض المسلسل مقامرة من cbc الوحيد اللي هايدفع تمنها يحيي الفخراني.
– بنات سوبر مان ألطف من شباب صد رد.
– نفسي استاذ طارق نور يقولي سبب واحد مقنع ، ان القاهرة والناس مازالت اجرأ قناة في رمضان.
– مأمون وشركاه .. رامي امام ربنا ما يقطع له عاده ، فرجنا علي ديكورات المسلسل بدل ما يعرفنا علي الشخصيات.
– مأمون وشركاه .. لبلبة تاريخية.
– سوسن بدر “ولد فضة” .. شيرين رضا “فوق مستوي الشبهات” .. صفاء الطوخي “سقوط حر” .. سلوي خطاب “نيللي وشيريهان” .. الدهن في العتاقي.
– كلمة سر .. من المسلسلات اللي المفروض المنتج يدفع للقنوات عشان تعرضه وليس العكس.
– ربنا يرحمك يا أمي ويرحم امهاتنا جميعا ، ويخلي امهاتكم يارب.
نرشح لك : تفاصيل الدورة الثانية لمهرجان “إعلام.أورج” رمضان 2016
